Karnataka Poll: ಬಿಜೆಪಿ-ದೇವೇಗೌಡ ಮೈತ್ರಿ ಒಪ್ಪಂದ?

ಹಾಸನ: “ನೀವು ಜೆಡಿಎಸ್‌ಗೆ ಮತ ಹಾಕಿದರೂ ಬಿಜೆಪಿ ಅಭ್ಯರ್ಥಿಯಾದ ನನಗೇ ಮತ ಹಾಕಿದಂತೆ’ ಎಂದು ಹೇಳುವ ಮೂಲಕ ಬಿಜೆಪಿ ಶಾಸಕ ಪ್ರೀತಂ ಗೌಡ, ಚುನಾವಣೆಯ ಅನಂತರ ಬಿಜೆಪಿ- ಜೆಡಿಎಸ್‌ ಮೈತ್ರಿಯ ಸುಳಿವು ನೀಡಿದ್ದಾರೆ.

ಬುಧವಾರ ರಾತ್ರಿ ಪ್ರಚಾರದ ವೇಳೆ ಮಾತನಾಡಿದ ಅವರು, ದೇವೇಗೌಡರು- ಮೋದಿ ಸಾಹೇಬರು ಮಾತನಾಡಿಕೊಂಡಿದ್ದಾರೆ. ಎಲ್ಲ ನದಿಗಳ ನೀರು ಹರಿಯುವುದು ಸಮುದ್ರಕ್ಕೇ. ಜೆಡಿಎಸ್‌ ಗೆಲ್ಲುವುದು 20-25 ಸೀಟು. ನೀವು ಜೆಡಿಎಸ್‌ಗೆ ಓಟು ಹಾಕಿದರೂ ಅದು ನನ್ನ ಬಳಿಗೇ ಬರಬೇಕು ಎಂದಿದ್ದಾರೆ. ಅವರ ಮಾತಿನ ತುಣುಕು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.