ಒಡಿಶಾ ವಿಧಾನಸಭೆ : ಬಿಜೆಡಿ ಪ್ರಚಂಡ ಜಯ, ನಿರಂತರ 5ನೇ ಬಾರಿಗೆ ಸರಕಾರ

ಭುವನೇಶ್ವರ : ದೇಶದಲ್ಲಿ ಈ ಬಾರಿ ಮೋದಿ ಅಲೆ ಇದ್ದ ಹೊರತಾಗಿಯೂ ಒಡಿಶಾ ವಿಧಾನಸಭಾ ಚುನಾವಣೆಯಲ್ಲಿ ನವೀನ್‌ ಪಟ್ನಾಯಕ್‌ ನೇತೃತ್ವದ ಬಿಜು ಜನತಾ ದಳ (BJD) 146 ಸೀಟುಗಳ ಪೈಕಿ 112 ಸೀಟುಗಳನ್ನು ಗೆದ್ದುಕೊಂಡು ನಿರಂತರ ಐದನೇ ಬಾರಿಗೆ ಸರಕಾರ ರಚಿಸಲು ಮುಂದಾಗಿದೆ.

2014ರ ವಿಧಾನ ಸಭಾ ಚುನಾವಣೆಯಲ್ಲಿ ಬಿಜೆಡಿ 147 ಸೀಟುಗಳ ಪೈಕಿ 117ರ ಸಿಂಹಪಾಲನ್ನು ಪಡೆದುಕೊಂಡಿತ್ತು. ಆಗಲೂ ಬಿಜೆಡಿಗೆ ಮೋದಿ ಅಲೆಯಿಂದ ಯಾವುದೇ ಬಾಧೆ ಉಂಟಾಗಿರಲಿಲ್ಲ.

ಹಾಗಿದ್ದರೂ ಈ ಬಾರಿಯ ಒಡಿಶಾ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ 23 ಸೀಟುಗಳನ್ನು ಗೆದ್ದಿರುವುದು ಗಮನಾರ್ಹವಾಗಿದೆ. ಕಾಂಗ್ರೆಸ್‌ಗೆ ಕೇವಲ 9 ಸೀಟುಗಳ ದಕ್ಕಿವೆ. ಸಿಪಿಎಂ ಮತ್ತು ಪಕ್ಷೇತರ ತಲಾ ಒಂದು ಸೀಟು ಪಡೆದಿರುವುದು ನಗಣ್ಯವಾಗಿದೆ.