ಆ.1ರಿಂದ ಬೆಂ- ಮೈ ಹೆದ್ದಾರಿಯಲ್ಲಿ ಬೈಕ್ ಹಾಗೂ ಆಟೋ ನಿರ್ಬಂಧ; ನಿಯಮ ಮೀರಿದರೆ ದಂಡ

ರಾಮನಗರ: ಹೆಚ್ಚುತ್ತಿರುವ ಅಪಘಾತಗಳ ಕಾರಣದಿಂದ ಬೆಂಗಳುರು- ಮೈಸೂರು ಎಕ್ಸ್ ಪ್ರೆಸ್ ವೇ ನಲ್ಲಿ ಬೈಕ್ ಹಾಗೂ ಆಟೋ ಸಂಚಾರಕ್ಕೆ ನಿರ್ಬಂಧ ಹೇರಲಾಗಿದೆ. ಆಗಸ್ಟ್ ಒಂದರಿಂದ ಹೆದ್ದಾರಿಯಲ್ಲಿ ಬೈಕ್, ಆಟೋ, ಟ್ರಾಕ್ಟರ್ ಸಂಚಾರಕ್ಕೆ ನಿಷೇಧಿಸಲಾಗಿದೆ. ಈ ಬಗ್ಗೆ ಪ್ರಾಧಿಕಾರ ತಯಾರಿ ನಡೆಸುತ್ತಿದೆ.

ಹೆದ್ದಾರಿ ಮೇಲೆ ಅಪಘಾತ ನಿಗ್ರಹಕ್ಕೆ ಹೆದ್ದಾರಿ ಪ್ರಾಧಿಕಾರ ಹಾಗೂ ಪೊಲೀಸ್ ಇಲಾಖೆ ಹೊಸ ನಿಯಮ ತಂದಿದ್ದು, ಹೆದ್ದಾರಿ ಮೇಲೆ ಸಂಚಾರಕ್ಕೆ ಅರ್ಹ ಅಲ್ಲದ ವಾಹನಗಳಿಗೆ ನಿರ್ಬಂಧ ಮಾಡಿದೆ. ಹೀಗಾಗಿ ಟೋಲ್ ಕಟ್ಟಿಯೂ ಹೆದ್ದಾರಿ ಬಳಸುವಂತಿಲ್ಲ.

ಆಗಸ್ಟ್ ‌ 1‌ ರಿಂದ ಕ್ರಮ ಜಾರಿ ಬರಲಿದ್ದು, ನಿಯಮ ಮೀರಿ ಹೆದ್ದಾರಿ ಬಳಸಿದರೆ 500 ರೂ ದಂಡ ಕಟ್ಟಬೇಕಾಗುತ್ತದೆ. ಹೆದ್ದಾರಿಯ ಆರಂಭ ಮತ್ತು ಅಂತ್ಯ ಭಾಗದಲ್ಲಿ ಪೊಲೀಸರು ತಪಾಸಣೆ ಮಾಡಲಿದ್ದು, ಒಟ್ಟು 9 ಕಡೆಗಳಲ್ಲಿ ಪೊಲೀಸರಿಂದ ಚೆಕಿಂಗ್ ನಡೆಯಲಿದೆ.