Advertisement
ಪ್ರಸಕ್ತ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ ಅತಿದೊಡ್ಡ ಪಕ್ಷವಾಗಿ ಹೊರಹೊಮ್ಮಿದರೆ, ತೇಜಸ್ವಿ ಯಾದವ್‌ ನೇತೃತ್ವದ ಆರ್‌ಜೆಡಿ ರನ್ನರ್‌ಅಪ್‌ ಆಗಿದೆ. 3ನೇ ಸ್ಥಾನಕ್ಕೆ ತಳ್ಳಲ್ಪಡುವ ಮೂಲಕ ಜೆಡಿಯು ಹೀನಾಯ ಸ್ಥಿತಿಗೆ ತಲುಪಿದೆ. ಬಿಹಾರದಲ್ಲಿ ಈವರೆಗೆ ಎನ್‌ಡಿಎಯ ಕಿರಿಯ ಪಾಲುದಾರನಾಗಿದ್ದ ಬಿಜೆಪಿಯ ಕೈ ಈಗ ಮೇಲಾಗಿದೆ.
Related Articles
Advertisement
ಮೋದಿ ಹೋದಲ್ಲೆಲ್ಲ ಎನ್‌ಡಿಎ ಜಯಭೇರಿಆರ್ಜೆಡಿ ಮಾತ್ರವಲ್ಲ ಸ್ವತಃ ಎನ್‌ಡಿಎ ಕೂಟದ ಜೆಡಿಯುಗೂ ಬೆರಗು ಹುಟ್ಟಿಸುವಂತೆ ಬಿಹಾರದಲ್ಲಿ ಬಿಜೆಪಿ ಭರ್ಜರಿ ಗೆಲುವು ದಾಖಲಿಸಿದೆ. ಪ್ರಧಾನಿ ನರೇಂದ್ರ ಮೋದಿ ಎಲ್ಲೆಲ್ಲಿ ರ್ಯಾಲಿ ಕೈಗೊಂಡಿದ್ದರೋ ಅಲ್ಲೆಲ್ಲ ಎನ್‌ಡಿಎ ಅಭ್ಯರ್ಥಿಗಳು ಜಯದ ಡಿಂಡಿಮ ಬಾರಿಸಿದ್ದಾರೆ. ಮೋದಿ ಬಿಹಾರದಲ್ಲಿ ಒಟ್ಟು 12 ಚುನಾವಣಾ ಪ್ರಚಾರ ರ್ಯಾಲಿ ನಡೆಸಿದ್ದರು. ಸಾಸರಾಂ, ಗಯಾ, ಭಾಗಲ್ಪುರ, ದರ್ಭಾಂಗ, ಮುಝಾಫ‌ರ್‌ಪುರ, ಪಾಟ್ನಾ, ಛಪ್ರಾ, ಪೂರ್ವ ಚಂಪಾರಣ್‌, ಪಶ್ಚಿಮ ಚಂಪಾರಣ್‌, ಪಶ್ಚಿಮ ಸಮಷ್ಠಿಪುರ, ಸಹಸ್ರಾ ಮತ್ತು ಫೋರ್ಬ್ಸ್ಗಂಜ್‌ಗಳಲ್ಲಿ ಮೋದಿ ಎನ್‌ಡಿಎ ಅಭ್ಯರ್ಥಿಗಳ ಪರವಾಗಿ ರ್ಯಾಲಿಯಲ್ಲಿ ಪಾಲ್ಗೊಂಡಿದ್ದರು. ಇಲ್ಲೆಲ್ಲ ವಿಪಕ್ಷಗಳು ಮುಗ್ಗರಿಸಿಬಿದ್ದಿದ್ದು, ಬಹುತೇಕ ಕಡೆ ಎನ್‌ಡಿಎ ಅಭ್ಯರ್ಥಿಗಳು ಗೆಲುವು ಕಂಡಿದ್ದಾರೆ. ಮೋದಿ ತಂತ್ರಗಳು: ಪ್ರಧಾನಿ ತಮ್ಮ ಭಾಷಣದ ಉದ್ದಕ್ಕೂ ಎನ್‌ಡಿಎ ಸರ್ಕಾರ ನಡೆಸಿದ ಅಭಿವೃದ್ಧಿ, “ಲಾಲೂ ಯುಗ’ದ ಆರ್‌ಜೆಡಿ ವೈಫ‌ಲ್ಯ- ಇವೆರಡು ಪ್ರಧಾನ ಅಸ್ತ್ರ ಪ್ರಯೋಗಿಸಿದ್ದರು. ಸಿಎಂ ಅಭ್ಯರ್ಥಿ ತೇಜಸ್ವಿಯನ್ನು “ಜಂಗಲ್‌ ರಾಜ್‌ ಕಾ ಯುವರಾಜ್‌’ ಎಂದಿದ್ದು ಮಹಾಘಟ್‌ಬಂಧನ್‌ ಮೈತ್ರಿಗೆ ಬಹುದೊಡ್ಡ ಹಿನ್ನಡೆ. ಗಾಲ್ವಾನ್‌ನಲ್ಲಿನ ಬಿಹಾರ ರೆಜಿಮೆಂಟ್ಸ್‌ ಯೋಧರ ತ್ಯಾಗ ಸ್ಮರಿಸಿದ್ದು, ವಲಸೆ ಕಾರ್ಮಿಕರ ಕಲ್ಯಾಣಕ್ಕೆ ಸರ್ಕಾರ ನೀಡಿದ ಪ್ಯಾಕೇಜ್‌ಗಳು ಕೂಡ ಎಲ್ಲೋ ಒಂದು ಕಡೆ ಎನ್‌ಡಿಎಗೆ ಪ್ಲಸ್‌ ಆದವು. ರಾಹುಲ್‌ಗೆ ಮಿಶ್ರಫ‌ಲ
ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ 7 ಕಡೆಗಳಲ್ಲಿ ಚುನಾವಣಾ ರ್ಯಾಲಿ ನಡೆಸಿದ್ದರು. ಇವುಗಳಲ್ಲಿ 3 ಕಡೆ ಅಂದರೆ, ಕಿಶನ್‌ಗಂಜ್‌, ಹಿಸುವಾ, ಅರಾರಿಯಾ ವಿಧಾನಸಭಾ ಕ್ಷೇತ್ರಗಳಲ್ಲಿ ಕಾಂಗ್ರೆಸ್‌ ಬಂದಿದೆ. ಉಳಿದಂತೆ 4 ಕಡೆ ಅಂದರೆ ಕಟಿಹಾರ್‌ನಲ್ಲಿ ಬಿಜೆಪಿ, ವಾಲ್ಮೀಕಿ ನಗರ್‌ನಲ್ಲಿ ಜೆಡಿಯು, ಕಹಲ್ಗಾಂವ್‌ನಲ್ಲಿ ಬಿಜೆಪಿ, ಬಿಹಾರಿ ಗಂಜ್‌ ಜೆಡಿಯು ಅಭ್ಯರ್ಥಿಗಳು ಮೇಲುಗೈ ಸಾಧಿಸಿದ್ದಾರೆ.