ಬಿಹಾರ ಚುನಾವಣಾ ಫಲಿತಾಂಶ:ಎನ್ ಡಿಎಗೆ ಮುನ್ನಡೆ, ಈ ಬಾರಿ 20 ಕ್ಷೇತ್ರದಲ್ಲಿ ಎಡಪಕ್ಷ ಮುನ್ನಡೆ

ಪಾಟ್ನಾ:ಬಿಹಾರ ವಿಧಾನಸಭಾ ಚುನಾವಣೆಯಲ್ಲಿ ಈ ಬಾರಿ ಎನ್ ಡಿಎ ಮೈತ್ರಿಕೂಟ ಆರಂಭಿಕ ಹಂತದಲ್ಲಿ ಮುನ್ನಡೆ ಸಾಧಿಸಿದ್ದು, ಇದರಲ್ಲಿ ಜೆಡಿಯುಗಿಂತ ಬಿಜೆಪಿ ಹೆಚ್ಚಿನ ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದೆ. ಮತ್ತೊಂದೆಡೆ 2015ರ ವಿಧಾನಸಭಾ ಚುನಾವಣೆ ಸಂದರ್ಭದಲ್ಲಿ ಕಳಪೆ ಪ್ರದರ್ಶನ ನೀಡಿದ್ದ ಎಡಪಕ್ಷಗಳು ಈ ಬಾರಿ 20 ಕ್ಷೇತ್ರಗಳಲ್ಲಿ ಮುನ್ನಡೆ ಸಾಧಿಸಿದೆ.

ಮಂಗಳವಾರ(ನವೆಂಬರ್ 10, 2020) ಬೆಳಗ್ಗೆ ಮತಎಣಿಕೆ ಆರಂಭಗೊಂಡ ಬಳಿಕ ಪಕ್ಷಗಳ ಮುನ್ನಡೆ ಟ್ರೆಂಡ್ ಕಂಡುಬಂದಿದೆ. ಬಿಹಾರ ವಿಧಾನಸಭಾ ಚುನಾವಣೆಯಲ್ಲಿ 28 ಕ್ಷೇತ್ರಗಳಲ್ಲಿ ಎಡಪಕ್ಷಗಳು ಸ್ಪರ್ಧಿಸಿವೆ. ಸಿಪಿಐ(ಎಂ-ಎಲ್) 19 ಕ್ಷೇತ್ರಗಳಲ್ಲಿ, ಸಿಪಿಐ ಆರು ಕ್ಷೇತ್ರಗಳಲ್ಲಿ, ಹಾಗೂ ಸಿಪಿಎಂ ನಾಲ್ಕು ಕ್ಷೇತ್ರಗಳಲ್ಲಿ ಸ್ಪರ್ಧಿಸಿದೆ.

ಹೊಸ ಟ್ರೆಂಡ್ ಪ್ರಕಾರ, ಸಿಪಿಐ, ಸಿಪಿಐ(ಎಂ) ಮತ್ತು ಸಿಪಿಐ(ಎಂ, ಎಲ್) ಆರ್ ಜೆಡಿ, ಕಾಂಗ್ರೆಸ್ ಮೈತ್ರಿಯೊಂದಿಗೆ ಚುನಾವಣಾ ಕಣಕ್ಕಿಳಿದಿದೆ. ಅಗಿಯಾನ್, ಅರ್ರಾಹ್, ಅರ್ವಾಲ್, ಬಲರಾಮ್ ಪುರ್, ಬಿಭುಟಿಪುರ್, ದಾರೌಲಿ, ದಾರೌಂಧಾ, ದುಮ್ರಾವ್, ಘೋಸಿ, ಕಾರಾಕಟ್, ಮಾಂಝಿ, ಮಥಿಯಾನಿ, ಪಾಲಿಗಂಜ್, ತರಾರಿ, ವಾರಿಸ್ ನಗರ್, ಝಿರಾದೇಯಿ, ಬಾಚಾವಾರಾ ಮತ್ತು ಬಾಖ್ರಿ ಕ್ಷೇತ್ರಗಳಲ್ಲಿ ಎಡಪಕ್ಷ ಮುನ್ನಡೆ ಸಾಧಿಸಿದೆ.

ಇದನ್ನೂ ಓದಿ:ವಿಧಾನ ಪರಿಷತ್ ಚುನಾವಣೆ : ಬೆಂಗಳೂರು ಶಿಕ್ಷಕರ ಕ್ಷೇತ್ರದಲ್ಲಿ ಬಿಜೆಪಿಯ ಪುಟ್ಟಣ್ಣ ಗೆಲುವು

ಈ ಹಿಂದೆ ಎಡಪಕ್ಷಗಳು ಬಿಹಾರದಲ್ಲಿ ಪ್ರಮುಖ ರಾಜಕೀಯ ಪಕ್ಷಗಳಾಗಿ ಗುರುತಿಸಿಕೊಂಡಿದ್ದವು. ಕಳೆದ ಎರಡು ವಿಧಾನಸಭಾ ಚುನಾವಣೆಯಲ್ಲಿ ಎಡಪಕ್ಷಗಳ ಗೆಲುವಿನ ಸಂಖ್ಯೆ ತೀರಾ ಕೆಳಕ್ಕೆ ಇಳಿದಿತ್ತು. 2015ರಲ್ಲಿ ಸಿಪಿಐ ಮಾತ್ರ ಒಂದು ಸ್ಥಾನದಲ್ಲಿ ಗೆಲುವು ಸಾಧಿಸಿತ್ತು. ಸಿಪಿಐ(ಎಂಎಲ್) ಮೂರು ಸ್ಥಾನಗಳಲ್ಲಿ ಜಯ ಗಳಿಸಿತ್ತು. ಇನ್ನುಳಿದ ಎರಡು ಎಡಪಕ್ಷಗಳು ಶೂನ್ಯ ಸ್ಥಾನ ಸಂಪಾದಿಸಿದ್ದವು.

ಆರ್ ಜೆಡಿ ಮತ್ತು  ಕಾಂಗ್ರೆಸ್ ಜೊತೆ ಪರಸ್ಪರ ಮತಗಳನ್ನು ಪರಿವರ್ತಿಸುವುದರ ಜತೆಗೆ, ಎಡಪಕ್ಷಗಳು ಮಹಾಮೈತ್ರಿಕೂಟಕ್ಕೆ ಇನ್ನೂ ಎರಡು ನಿರ್ಣಾಯಕ ಅಂಶಗಳ್ನು ತಂದಿದೆ ಎಂದು ಕಾಣಿಸುತ್ತದೆ. ಈ ಮೂರು ಪಕ್ಷಗಳು ಕೇಡರ್ ಆಧಾರಿತ ಪಕ್ಷಗಳಾಗಿವೆ.

ಚುನಾವಣೋತ್ತರ ಸಮೀಕ್ಷೆಗಳು ಕೂಡಾ ಎಡಪಕ್ಷಗಳು ಈ ಬಾರಿ ಗೆಲುವು ಸಾಧಿಸಲಿದೆ ಎಂದು ತಿಳಿಸಿದ್ದವು. ಮುಖ್ಯವಾಗಿ ಸಿಪಿಐ(ಎಂಎಲ್) ಬಗ್ಗೆ ಸಮೀಕ್ಷೆ ಭವಿಷ್ಯ ನುಡಿದಿತ್ತು. ಇಂಡಿಯಾ ಟುಡೇ, ಆ್ಯಕ್ಸಿಸ್ ಎಕ್ಸಿಟ್ ಪೋಲ್ ನಲ್ಲಿ 19 ಕ್ಷೇತ್ರಗಳಲ್ಲಿ ಸ್ಪರ್ಧಿಸಿರುವ ಸಿಪಿಐ(ಎಂ,ಎಲ್) 12ರಿಂದ 16 ಸ್ಥಾನಗಳಲ್ಲಿ ಗೆಲುವು ಸಾಧಿಸಲಿದೆ ಎಂದು ತಿಳಿಸಿತ್ತು.

ಇದನ್ನೂ ಓದಿ:ಶಿರಾ’ದಲ್ಲಿ ‘ರಾರಾ’ಜಿಸಿದ ಕಮಲ: ಬಿಎಸ್ ವೈ ಮತ್ತಷ್ಟು ಭದ್ರ, ಕೈ ರಣತಂತ್ರ ಛಿದ್ರ

ಬಿಹಾರ ಚುನಾವಣಾ ಫಲಿತಾಂಶದಲ್ಲಿ ಮಹಾಘಟಬಂಧನ್ ಗೆ ಬಿಜೆಪಿ ನೇತೃತ್ವದ ಎನ್ ಡಿಎ ಕಠಿಣ ಸ್ಪರ್ಧೆಯನ್ನೊಡ್ಡಿದೆ. ಆರಂಭದಲ್ಲಿ ಮಹಾಘಟಬಂಧನ್ ಎಡಿಎಗಿಂತ ಮುನ್ನಡೆ ಸಾಧಿಸಿತ್ತು. ಬಳಿಕ ಮಹಾಘಟಬಂಧನ್ ಕ್ಕಿಂತ ಎನ್ ಡಿಎ ಮುನ್ನಡೆ ಸಾಧಿಸಿತ್ತು. ಮತಎಣಿಕೆ ಮುಂದುವರಿದಿದ್ದು, ತಡರಾತ್ರಿ ಬಿಹಾರದ ಗದ್ದುಗೆ ಯಾರ ಪಾಲಿಗೆ ಎಂಬ ಸ್ಪಷ್ಟ ಚಿತ್ರಣ ಹೊರಬೀಳಲಿದೆ.