ದೊಡ್ಡ ಶತ್ರು ಯಾರು? ಗೌರಿ ಕೊನೆಯ ಟ್ವೀಟ್‌ನಲ್ಲೇನಿದೆ? 

ಬೆಂಗಳೂರು: ಮುಂಗಳವಾರ ರಾತ್ರಿ  ದುಷ್ಕರ್ಮಿಗಳ ಗುಂಡಿಗೆ ಬಲಿಯಾಗಿದ್ದ ಪತ್ರಕರ್ತೆ ಹಾಗೂ ಚಿಂತಕಿ ಗೌರಿ ಲಂಕೇಶ್‌ ಅವರ ಕೊನೆಯ ಟ್ವೀಟ್‌ ಇದೀಗ ವೈರಲ್‌ ಆಗಿದೆ. 

ನಿನ್ನೆ ಮಾಡಿದ್ದ ಕೊನೆಯ ಟ್ವೀಟ್‌ನಲ್ಲಿ  ”ನಾವೆಲ್ಲರೂ  ‘ನಮ್ಮ ನಡುವೆಯೇ’  ಹೋರಾಟ ಮಾಡುತ್ತಿದ್ದೇವೆ ಎಂದು ನಾನು ಭಾವಿಸುತ್ತಿದ್ದೇನೆ. ನಾವೆಲ್ಲರೂ ನಮ್ಮ “ದೊಡ್ಡ ಶತ್ರು” ಯಾರೆಂದು  ತಿಳಿದಿದ್ದೇವೆ. ನಾವೆಲ್ಲರೂ ದಯವಿಟ್ಟು ಅದರತ್ತ ಗಮನ ಹರಿಸಬಹುದೇ’ ಎಂದು ಟ್ವೀಟ್‌ ಮಾಡಿ ಒಳಜಗಳವನ್ನು ಬಿಡಬೇಕೆಂಬ ಕಳಕಳಿ ವ್ಯಕ್ತ ಪಡಿಸಿದ್ದರು.

ಬೆದರಿಕೆ ಕರೆ ಬಂದಿತ್ತೆ?

ಪ್ರಗತಿಪರ ಚಿಂತಕಿಯಾಗಿದ್ದ ಗೌರಿ ಲಂಕೇಶ್‌ ಅವರಿಗೆ ಕೆಲ ದಿನಗಳ ಹಿಂದೆ ದುಷ್ಕರ್ಮಿಗಳು ಜೀವ ಬೆದರಿಕೆ ಒಡ್ಡಿದ್ದರು ಎಂದು ಹೇಳಲಾಗಿದ್ದು. ಈ ವಿಚಾರವನ್ನು ಅವರು ಆಪ್ತರ ಬಳಿ ಹೇಳಿಕೊಂಡಿದ್ದರು ಎನ್ನಲಾಗಿದೆ.