ಮುಂಬಯಿ: ದೀಪಾವಳಿ(Diwali) ಹಬ್ಬಕ್ಕೆ ಸಿನಿಮಾರಂಗ ಬ್ಯುಸಿಯಾಗಲಿದೆ ಸಾಲು ಸಾಲು ಸಿನಿಮಾಗಳು ಥಿಯೇಟರ್‌ಗೆ ಲಗ್ಗೆಯಿಡಲಿದೆ. ಬಾಲಿವುಡ್‌ ಸೇರಿದಂತೆ ದಕ್ಷಿಣ ಭಾರತದ ಖ್ಯಾತ ಕಲಾವಿದರ ಸಿನಿಮಾಗಳು ದೀಪಾವಳಿ ಹಬ್ಬಕ್ಕೆ ತೆರೆ ಕಾಣಲಿದೆ.
ದೀಪಾವಳಿ ಹಬ್ಬಕ್ಕೆ ತಮ್ಮ ಸಿನಿಮಾ ಥಿಯೇಟರ್‌ಗೆ ಬಂದರೆ ಪ್ರೇಕ್ಷಕರು ಬರುತ್ತಾರೆ ಎನ್ನುವ ನಿರೀಕ್ಷೆಯಲ್ಲಿ ಹಲವು ಚಿತ್ರಗಳು ಈ ಸಮಯದಲ್ಲಿ ರಿಲೀಸ್‌ ಆಗುತ್ತವೆ. ಆದರೆ ಇದೇ ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ರಿಲೀಸ್‌ ಆಗಿ ಸೋತು ಸುಣ್ಣವಾಗಿರುವ ಅನೇಕ ಸಿನಿಮಾಗಳ ಉದಾಹರಣೆ ಭಾರತೀಯ ಸಿನಿಲೋಕದಲ್ಲಿದೆ.
ಇದನ್ನೂ ಓದಿ: Jai Hanuman: ತೆಲುಗು ನಿರ್ದೇಶಕನ ಸಿನಿಮಾದಲ್ಲಿ ʼಹನುಮಾನ್‌ʼ ಆದ ಕನ್ನಡದ ರಿಷಬ್ ಶೆಟ್ಟಿ
ಸ್ಟಾರ್‌ ಕಲಾವಿದರು, ಖ್ಯಾತ ನಿರ್ದೇಶಕ, ನಿರ್ಮಾಣ ಸಂಸ್ಥೆಯಿದ್ದರೂ ಹೀನಾಯವಾಗಿ ಸೋತ ಬಾಲಿವುಡ್‌ ಸಿನಿಮಾಗಳ (Bollywood Movies) ಪಟ್ಟಿ ಇಲ್ಲಿದೆ..
ಜಾನ್-ಇ-ಮನ್: Jaan-E-Mann (2006)
ಸಲ್ಮಾನ್ ಖಾನ್ (Salman Khan), ಅಕ್ಷಯ್ ಕುಮಾರ್ ( Akshay Kumar) ಮತ್ತು ಪ್ರೀತಿ ಜಿಂಟಾ (Preity Zinta) ಅವರಂತಹ ಮಲ್ಟಿಸ್ಟಾರ್ಸ್‌ ಜತೆಯಾಗಿ ನಟಿಸಿದ್ದ, 2006ರಲ್ಲಿ ತೆರೆಕಂಡಿದ್ದʼಜಾನ್-ಎ-ಮಾನ್ʼ ಸಿನಿಮಾ ದೀಪಾವಳಿ ಹಬ್ಬಕ್ಕೆ ರಿಲೀಸ್‌ ಆಗಿತ್ತು. ಭರ್ಜರಿ ಪ್ರಚಾರದ ಹೊರತಾಗಿಯೂ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಗಳಿಸಿದ್ದು 25 ಕೋಟಿ ರೂಪಾಯಿಯನ್ನಷ್ಟೇ. ಇದೇ ಸಂದರ್ಭದಲ್ಲಿ ತೆರೆಕಂಡಿದ್ದ ಶಾರುಖ್‌ ಖಾನ್(Shah Rukh Khan) ಅವರ ʼಡಾನ್‌ʼ ಸಿನಿಮಾ ದೊಡ್ಡ ಹಿಟ್‌ ಆಗಿತ್ತು.
ಕ್ಯೋ ಕಿ: Kyon Ki (2005)
2005ರ ದೀಪಾವಳಿ ಹಬ್ಬದ ವೇಳೆ ರಿಲೀಸ್‌ ಆಗಿದ್ದ ಈ ಸಿನಿಮಾದಲ್ಲಿ ಸಲ್ಮಾನ್ ಖಾನ್ , ಕರೀನಾ ಕಪೂರ್( Kareena Kapoor) ಪ್ರಧಾನ ಪಾತ್ರದಲ್ಲಿ ನಟಿಸಿದ್ದರು. ಆದರೆ ಇದು ಸಲ್ಮಾನ್ ಖಾನ್ ಅವರ ವೃತ್ತಿ ಬದುಕಿನ ದೊಡ್ಡ ಫ್ಲಾಪ್ ಸಿನಿಮಾವಾಯಿತು. ಸ್ಟಾರ್‌ ಕಾಸ್ಟ್‌ ಇದ್ದರೂ ಚಿತ್ರ ಗಳಿಸಿದ್ದು ಕೇವಲ 12 ಕೋಟಿ ರೂಪಾಯಿಯನ್ನಷ್ಟೇ.
ಸಾವರಿಯಾ: Saawariya (2007)
ಬಾಲಿವುಡ್‌ಗೆ ಚಾಕ್ಲೇಟ್‌ ಹೀರೋ ರಣ್ಬೀರ್‌ ಕಪೂರ್ (Ranbir Kapoor) ಎಂಟ್ರಿ ಕೊಟ್ಟ ಸಿನಿಮಾವಿದು. ರಣ್ಬೀರ್‌ ಜತೆ ಸೋನಮ್‌ (Sonam Kapoor) ನಟಿಸಿದ್ದರು. ಸಂಜಯ್ ಲೀಲಾ ಬನ್ಸಾಲಿ (Sanjay Leela Bhansali) ಅವರ ಸಿನಿಮಾ ಇದ್ದಾಗಿದ್ದರಿಂದ ಬಹು ನಿರೀಕ್ಷೆಯನ್ನಿಟ್ಟುಕೊಳ್ಳಲಾಗಿತ್ತು. ಆದರೆ ಸಿನಿಮಾದ ನಿಧಾನಗತಿಯ ಕಥೆ ಹಾಗೂ ವಿಶಿಷ್ಟವಾದ ಚಿತ್ರಕಥೆ ಪ್ರೇಕ್ಷಕರ ಗಮನ ಸೆಳೆಯಲು ವಿಫಲವಾಯಿತು. ಆ ಸಮಯದಲ್ಲಿ ಸಿನಿಮಾ 22 ಕೋಟಿ ರೂಪಾಯಿಯನ್ನಷ್ಟೇ ಗಳಿಸಿತು.
ಬ್ಲೂ: Blue (2009)
ಅಕ್ಷಯ್ ಕುಮಾರ್ (Akshay Kumar), ಸಂಜಯ್ ದತ್ (Sanjay Dutt), ಲಾರಾ ದತ್ತಾ (Lara Dutta) ರಂತಹ ಜನಪ್ರಿಯ ಸ್ಟಾರ್‌ ನಟರು ನಟಿಸಿದ್ದ ಈ ಸಿನಿಮಾ 2009ರ ದೀಪಾವಳಿ ಹಬ್ಬಕ್ಕೆ ರಿಲೀಸ್‌ ಆಗಿತ್ತು. 75 ಕೋಟಿ ಬಜೆಟ್‌ನಲ್ಲಿ ತಯಾರಾದ ಸಿನಿಮಾ 68 ಕೋಟಿ ರೂ.ಗಳಿಸಿ ಫ್ಲಾಪ್ ಆಯಿತು.
ಮೇನ್ ಔರ್ ಮಿಸೆಸ್ ಖನ್ನಾ: Main Aur Mrs. Khanna (2009)
2009ರ ದೀಪಾವಳಿ ಹಬ್ಬಕ್ಕೆ ರಿಲೀಸ್‌ ಆದ ಈ ಸಿನಿಮಾದಲ್ಲಿ ಸಲ್ಮಾನ್ ಖಾನ್, ಕರೀನಾ ಕಪೂರ್ ಪ್ರಧಾನ ಪಾತ್ರದಲ್ಲಿ ನಟಿಸಿದ್ದರು. ಇವರ ಜತೆ ಸೊಹೈಲ್ ಖಾನ್ ನಟಿಸಿದ್ದರು. ಸ್ಟಾರ್‌ ಕಾಸ್ಟ್‌ ಇದ್ದರೂ ಸಿನಿಮಾ ಗಳಿಸಿದ್ದು ಕೇವಲ 7 ಕೋಟಿ ರೂ.ವನ್ನಷ್ಟೇ. ನೆಗೆಟಿವ್ ವಿಮರ್ಶೆಗಳು ಮತ್ತು ಕಳಪೆ ಕಥಾಹಂದರದಿಂದ ಸಿನಿಮಾ ಹೀನಾಯವಾಗಿ ಸೋತಿತು.
ಆಕ್ಷನ್‌ ರಿಪ್ಲೈ: Action Replayy (2010)
2010ರ ದೀಪಾವಳಿ ಹಬ್ಬಕ್ಕೆ ತೆರೆಕಂಡ ಬಾಲಿವುಡ್‌ನ ಸಿನಿಮಾದಲ್ಲಿ ಅಕ್ಷಯ್ ಕುಮಾರ್, ಐಶ್ವರ್ಯಾ ರೈ ನಟಿಸಿದ್ದರು. ಟೈಮ್‌ ಟ್ರಾವೆಲ್‌ ,ಕಾಮಿಡಿ ಕಥಾಹಂದರದ ಈ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ 40.36 ಕೋಟಿ ರೂಪಾಯಿ ಗಳಿಸಿತು. ಬಹುತೇಕ ಪ್ರೇಕ್ಷಕರಿಗೆ ಸಿನಿಮಾದ ಪ್ಲಾಟ್‌ ಗೊಂದಲಮಯವಾಗಿ ಕಂಡಿತು.
ಥಗ್ಸ್ ಆಫ್ ಹಿಂದೂಸ್ತಾನ್: Thugs of Hindostan (2018)
ಆಮೀರ್‌ ಖಾನ್ (Aamir Khan), ಅಮಿತಾಭ್‌ ಬಚ್ಚನ್(Amitabh Bachchan) ಬಹುದೊಡ್ಡ ಫ್ಲಾಪ್ ಸಿನಿಮಾಗಳಲ್ಲಿ ಒಂದು. ಸಿಕ್ಕಾಪಟ್ಟೆ ನಿರೀಕ್ಷೆಯನ್ನಿಟ್ಟುಕೊಂಡು ತೆರೆಗೆ ಬಂದಿದ್ದ ಈ ಸಿನಿಮಾಕ್ಕೆ ಕಳಪೆ ರಿವ್ಯೂ ಬಂದಿತ್ತು. ಭಾರತದಲ್ಲಿ 151 ಕೋಟಿ ರೂಪಾಯಿಯನ್ನಷ್ಟೇ ಸಿನಿಮಾ ಗಳಿಸಿತು.
