ಬೀದರ್ 60 ಹೊಸ ಪ್ರಕರಣ ಪತ್ತೆ : ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 4213ಕ್ಕೆ ಏರಿಕೆ

ಬೀದರ್: ಜಿಲ್ಲೆಯಲ್ಲಿ ಮಂಗಳವಾರ ಹೆಮ್ಮಾರಿ ಕೋವಿಡ್ ಸೋಂಕಿನ 61 ಪ್ರಕರಣಗಳು ಪತ್ತೆಯಾಗಿದ್ದು, ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 4213ಕ್ಕೆ ಏರಿಕೆ ಆಗಿದೆ.

ಬೀದರ ನಗರ-ತಾಲೂಕಿನಲ್ಲಿ 23 ಜನರಿಗೆ ಸೋಂಕು ತಗುಲಿದ್ದು, ತಾಲೂಕಿನ ಒಟ್ಟು ಸೋಂಕಿತರ ಸಂಖ್ಯೆ 1516ಗೆ ವೃದ್ಧಿಸಿದೆ. ಬಸವಕಲ್ಯಾಣ- ಹುಲಸೂರಿನಲ್ಲಿ 14 ಜನರಿಗೆ ಸೋಂಕು ತಗುಲಿದ್ದು, ಒಟ್ಟು ಸೋಂಕಿತರ ಸಂಖ್ಯೆ 686ಗೆ ಏರಿಕೆ ಆಗಿದೆ.

ಭಾಲ್ಕಿ ತಾಲೂಕಿನ 9 ಜನರಿಗೆ ಸೋಂಕು ದೃಢವಾಗಿದ್ದು, ಒಟ್ಟು ಸೋಂಕಿತರ ಸಂಖ್ಯೆ 611ಕ್ಕೆ ವೃದ್ಧಿಸಿದೆ. ಔರಾದ- ಕಮಲನಗರ ತಾಲೂಕಿನ 8 ಜನರಿಗೆ ಸೋಂಕು ಪತ್ತೆಯಾಗಿದ್ದು, ಒಟ್ಟು ಸೋಂಕಿತರ ಸಂಖ್ಯೆ 632ಕ್ಕೆ ತಲುಪಿದೆ. ಹುಮನಾಬಾದ- ಚಿಟಗುಪ್ಪ ತಾಲೂಕಿನ 6 ಜನರಿಗೆ ಸೋಂಕು ಕಂಡು ಬಂದಿದ್ದು, ತಾಲೂಕಿನ ಸೋಂಕಿತರ ಸಂಖ್ಯೆ 741ಕ್ಕೆ ಏರಿಕೆ ಕಂಡಿದ್ದರೆ ಅನ್ಯ ರಾಜ್ಯ, ಜಿಲ್ಲೆಯ ಒಬ್ಬರಿಗೆ ಸೋಂಕು ದೃಢಪಟ್ಟಿದ್ದು, ಸೋಂಕಿತರ ಸಂಖ್ಯೆ 27ಕ್ಕೆ ತಲುಪಿದೆ.

ಮಂಗಳವಾರ ಹೊಸ ಸೋಂಕಿತರೊಂದಿಗೆ ಜಿಲ್ಲೆಯ ಸೋಂಕಿತರ ಸಂಖ್ಯೆ 4213ಗೆ ತಲುಪಿದ್ದು, ಈ ಪೈಕಿ 128 ಜನರು ಪ್ರಾಣ ಕಳೆದುಕೊಂಡಿದ್ದಾರೆ. ಇಂದು ಒಂದೇ ದಿನ 84 ಜನ ಸೇರಿ ಈವರೆಗೆ 3382 ಸೋಂಕಿತರು ಚಿಕಿತ್ಸೆಯಿಂದ ಗುಣಮುಖರಾಗಿ ಬಿಡುಗಡೆ ಆಗಿದ್ದಾರೆ. ಸದ್ಯಕ್ಕೆ 699 ಸಕ್ರೀಯ ಪ್ರಕರಣಗಳಿವೆ. ಜಿಲ್ಲೆಯಲ್ಲಿ ಇದುವರೆಗೆ ಒಟ್ಟು 63,614 ಜನರ ಗಂಟಲು ಮಾದರಿ ತಪಾಸಣೆ ನಡೆಸಲಾಗಿದ್ದು, ಈ ಪೈಕಿ 59,001 ಜನರದ್ದು ನೆಗೆಟಿವ್ ಬಂದಿದ್ದು, ಇನ್ನೂ 401 ಜನರ ವರದಿ ಬರುವುದು ಬಾಕಿ ಇದೆ.