“ಲಾಕ್‌ಡೌನ್‌ ಮುಗಿದ ನಂತರ ನನ್ನ ಸಿನಿಮಾ ಆ್ಯಕ್ಟಿವಿಟಿಸ್‌ ತುಂಬ ಜೋರಾಗಿದೆ. ಕೋವಿಡ್ ಮೊದಲ ಲಾಕ್‌ಡೌನ್‌ ಅನೌನ್ಸ್‌ ಆದಾಗ ಏನು ಈ ಥರ ಇದೆ ಅಂಥ ಎಕ್ಸೆ„ಟ್‌ ಆಗಿದ್ದೆ. ಆದ್ರೆ ಎರಡನೇ ಲಾಕ್‌ ಡೌನ್‌ ಅನೌನ್ಸ್‌ ಆದಾಗ ತುಂಬ ಕಷ್ಟವಾಯ್ತು. ನಮಗೆ ಪರಿಚಯವಿರುವವರು, ಫ್ರೆಂಡ್ಸ್‌, ಇಂಡಸ್ಟ್ರಿಯವರು ಹೀಗೆ ತುಂಬ ಜನರನ್ನ ಕಳೆದುಕೊಳ್ಳಬೇಕಾಯ್ತು. ಈಗ ನಿಧಾನವಾಗಿ ಮತ್ತೆ ಭರವಸೆ ಮೂಡಿದೆ. ಸಿನಿಮಾ ಇಂಡಸ್ಟ್ರಿ ಭೂಮ್‌ ಆಗುತ್ತಿದೆ. ನನ್ನ ಕೆಲಸ ಕೂಡ ಡಬಲ್‌ ಆಗ್ತಿದೆ’ – ಇದು ನಟಿ ಭಾವನಾ ರಾವ್ ಮಾತು.
ಹೌದು, “ಗಾಳಿಪಟ’ದ ಚಿನಕುರುಳಿ ಹುಡುಗಿ ಭಾವನಾ ರಾವ್ ಈಗೇನು ಮಾಡ್ತಿದ್ದಾರೆ? ಇತ್ತೀಚೆಗೆ ಭಾವನಾ ಯಾವ ಸಿನಿಮಾಗಳಲ್ಲೂ ಕಾಣಿಸಿ ಕೊಂಡಿಲ್ಲವಲ್ಲ ಎಂದು ಸಿನಿಪ್ರಿಯರು ಕೇಳುತ್ತಿರುವಾಗಲೇ, ಭಾವನಾ ಹೊಸ ಜೋಶ್‌ನಲ್ಲಿ ಸ್ಕ್ರೀನ್‌ ಮೇಲೆ ಬರೋದಕ್ಕೆ ಭರ್ಜರಿ ತಯಾರಿ ನಡೆಸಿದ್ದಾರೆ. ಸದ್ಯ ಭಾವನಾ ರಾವ್ ಅಭಿನಯದ “ಹೊಂದಿಸಿ ಬರೆಯಿರಿ’ ಚಿತ್ರ ಪೂರ್ಣವಾಗಿದ್ದು ತೆರೆಗೆ ಬರುವ ಸಿದ್ಧತೆ ಮಾಡಿಕೊಳ್ಳುತ್ತಿದೆ.
ಇದರ ಬೆನ್ನಲ್ಲೇ ಭಾವನಾ ಸದ್ದಿಲ್ಲದೆ ಸಸ್ಪೆನ್ಸ್‌-ಥ್ರಿಲ್ಲರ್‌ ಚಿತ್ರವೊಂದರಲ್ಲಿ ಅಭಿನಯಿಸುತ್ತಿದ್ದು, ಆ ಚಿತ್ರದ ಶೇಕಡಾ 80ರಷ್ಟು ಚಿತ್ರೀಕರಣ ಕೂಡ ಈಗಾಗಲೇ ಸದ್ದಿಲ್ಲದೆ ಮುಗಿದಿದೆ. ಇದಾದ ಬಳಿಕ ವಿಜಯ ರಾಘವೇಂದ್ರ ನಾಯಕನಾಗಿ ಅಭಿನಯಿಸುತ್ತಿರುವ “ಗ್ರೇ ಗೇಮ್ಸ್‌’ ಚಿತ್ರದಲ್ಲೂ ಭಾವನಾ ಸೈಬರ್‌ ಕ್ರೈಂ ಪೊಲೀಸ್‌ ಆಫೀಸರ್‌ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಇತ್ತೀಚೆಗಷ್ಟೇ ಈ ಚಿತ್ರ ಕೂಡ ಸೆಟ್ಟೇರಿದೆ.
ಇದನ್ನೂ ಓದಿ:ಐಪಿಎಲ್‌ ಕ್ವಾಲಿಫೈಯರ್‌-1: 9ನೇ ಸಲ ಫೈನಲ್‌ ತಲುಪಿದ ಚೆನ್ನೈ
ಸದ್ಯ ಬ್ಯಾಕ್‌ ಟು ಬ್ಯಾಕ್‌ ಸಿನಿಮಾಗಳಲ್ಲಿ ಬಿಝಿಯಾಗುತ್ತಿರುವುದರ ಬಗ್ಗೆ ಮಾತನಾಡುವ ಭಾವನಾ, “ನಿಧಾನವಾಗಿ ಕೋವಿಡ್ ಭಯ ದೂರವಾಗ್ತಿದೆ. ಸಿನಿಮಾ ಇಂಡಸ್ಟ್ರಿಯಲ್ಲೂ ಆ್ಯಕ್ಟಿವಿಟಿಸ್‌ ಜೋರಾಗುತ್ತಿದೆ. ಲಾಕ್‌ಡೌನ್‌ ನಂತರ ಸಾಕಷ್ಟು ಒಳ್ಳೆಯ ಸ್ಕ್ರಿಪ್‌ rಗಳನ್ನು ಕೇಳಿದ್ದೇನೆ. ಈಗಾಗಲೇ ಮೂರು ಸಿನಿಮಾಗಳಲ್ಲಿ ಅಭಿನಯಿಸುತ್ತಿದ್ದು, ಇನ್ನೂ ಕೆಲವು ಮಾತುಕಥೆಯ ಹಂತದಲ್ಲಿದೆ. ಸುಮಾರು ಒಂದೂವರೆ ವರ್ಷದ ಬಳಿಕ ಈಗ ನನ್ನ ಕೆಲಸ ಕೂಡ ಡಬಲ್‌ ಆಗಿದೆ’ ಎನ್ನುತ್ತಾರೆ.
ಇತ್ತೀಚೆಗೆ ಬರುತ್ತಿರುವ ಆಫ‌ರ್ ಬಗ್ಗೆ ಮಾತನಾಡುವ ಭಾವನಾ, “ಯಾವುದೇ ಸಬೆjಕ್ಟ್ ಆಗಲಿ, ಪಾತ್ರವಾಗಲಿ ಅದು ಮೊದಲು ನನಗೆ ಇಷ್ಟವಾಗಬೇಕು. ಕಥೆ ನನಗೆ ಮೊದಲು ಎಮೋಶನಲ್‌ ಆಗಿ ಕನೆಕ್ಟ್ ಆಗಬೇಕು. ಅಂಥ ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿದ್ದೇನೆ. ಈಗಾಗಲೇ ಒಪ್ಪಿ ಕೊಂಡಿರುವ “ಹೊಂದಿಸಿ ಬರೆಯಿರಿ’, “ಗ್ರೇ ಗೇಮ್ಸ್‌’ ಇನ್ನೂ ಹೆಸರಿಡದ ಸಿನಿಮಾ ಈ ಮೂರರಲ್ಲೂ ಅಂಥ ಕಂಟೆಂಟ್‌ ಇದೆ. ಆ ಸಬೆjಕ್ಟ್ ನನಗೆ ಇಷ್ಟವಾದಂತೆ ಆಡಿಯನ್ಸ್‌ಗೂ ಇಷ್ಟವಾಗುತ್ತದೆ’ ಎಂಬ ಭರವಸೆಯ ಮಾತುಗಳನ್ನಾಡುತ್ತಾರೆ ಭಾವನಾ ರಾವ್.
ಅದೇನೆಯಿರಲಿ, “ಗಾಳಿಪಟ’ ಚಿತ್ರದಲ್ಲಿ ಪಟಪಟನೆ ಮಾತನಾಡಿ ನೋಡುಗರ ಮನಗೆದ್ದ ಭಾವನಾ ರಾವ್ ಸದ್ಯ ತುಂಬ ಗಂಭೀರ ಪಾತ್ರಗಳತ್ತ ಮುಖ ಮಾಡು ¤ದ್ದು, ಭಾವನಾ ಅವರ ಇಂಥ ಪಾತ್ರ ಪ್ರಯೋಗ ನೋಡುಗರಿಗೆ ಎಷ್ಟರ ಮಟ್ಟಿಗೆ ಇಷ್ಟವಾಗಲಿದೆ ಅನ್ನೋದು ಮುಂದೆ ಗೊತ್ತಾಗಲಿದೆ
