ಮ್ಯಾಂಚೆಸ್ಟರ್‌ ಟೆಸ್ಟ್‌: ಸ್ಟೋಕ್ಸ್‌ , ಫೋಕ್ಸ್‌ ಶತಕ; ಇಂಗ್ಲೆಂಡ್‌ ಬೃಹತ್‌ ಮುನ್ನಡೆ

ಮ್ಯಾಂಚೆಸ್ಟರ್‌: ನಾಯಕ ಬೆನ್‌ ಸ್ಟೋಕ್ಸ್‌ ಮತ್ತು ಕೀಪರ್‌ ಬೆನ್‌ ಫೋಕ್ಸ್‌ ಅವರ ಶತಕ ಸಾಹಸದಿಂದ ದಕ್ಷಿಣ ಆಫ್ರಿಕಾ ಎದುರಿನ ಮ್ಯಾಂಚೆಸ್ಟರ್‌ ಟೆಸ್ಟ್‌ ಪಂದ್ಯದಲ್ಲಿ ಇಂಗ್ಲೆಂಡ್‌ ಬೃಹತ್‌ ಮುನ್ನಡೆ ಗಳಿಸಿದೆ. ಪ್ರವಾಸಿಗರ 151ಕ್ಕೆ ಉತ್ತರವಾಗಿ 7 ವಿಕೆಟಿಗೆ 394 ರನ್‌ ಗಳಿಸಿ ದ್ವಿತೀಯ ದಿನದ ಅಂತಿಮ ಅವಧಿಯ ಆಟ ಮುಂದುವರಿಸುತ್ತಿದೆ.

ಬೆನ್‌ ಸ್ಟೋಕ್ಸ್‌ 103 ರನ್‌ ಬಾರಿಸಿದರು (163 ಎಸೆತ, 6 ಬೌಂಡರಿ, 3 ಶತಕ). ಇದು ಅವರ 12ನೇ ಸೆಂಚುರಿ. ನಾಯಕನಾಗಿ ಮೊದಲನೆಯದು. ಫೋಕ್ಸ್‌ 102 ರನ್‌ ಗಳಿಸಿ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದಾರೆ. ಇದು ಅವರ 2ನೇ ಶತಕ.

ಜಾನಿ ಬೇರ್‌ಸ್ಟೊ 49, ಜಾಕ್‌ ಕ್ರಾಲಿ 38, ಓಲೀ ಪೋಪ್‌ 23, ಅಲೆಕ್ಸ್‌ ಲೀಸ್‌ 4, ರೂಟ್‌ 9 ರನ್‌ ಮಾಡಿ ಔಟಾದರು. ಆ್ಯನ್ರಿಚ್‌ ನೋರ್ಜೆ 3 ವಿಕೆಟ್‌, ಕಾಗಿಸೊ ರಬಾಡ 2 ವಿಕೆಟ್‌ ಉರುಳಿಸಿದರು.