ಬೆಳ್ಳಾರೆ: ಇ-ಲರ್ನಿಂಗ್‌ ಕಿಟ್‌ ಕೊಡುಗೆ

ಬೆಳ್ಳಾರೆ: ವಿದ್ಯುನ್ಮಾನ ಕಲಿಕಾ ಘಟಕಗಳಿಂದ  ಶಿಕ್ಷಕರಿಗೆ ತೊಂದರೆ ಇಲ್ಲ.ಇದು  ಶಿಕ್ಷಕರಿಗೆ ಪೂರಕವಾಗಿ ಇರಲಿದೆ ಎಂದು ರೋಟರಿ ಕ್ಲಬ್‌ ಬೆಳ್ಳಾರೆ ಟೌನ್‌ ವತಿಯಿಂದ ಮೆಂಡಾ ಫೌಂಡೇಶನ್‌ ಬೆಂಗಳೂರು ಇವರ ಸಹ ಯೋಗದಲ್ಲಿ ಮುಕ್ಕೂರು ಸರಕಾರಿ ಉನ್ನತೀಕರಿಸಿದ ಪ್ರಾಥಮಿಕ ಶಾಲೆಗೆ ನೀಡಿದ  ದಿ|  ಶೈಲೇಶ್‌ ಕುಮಾರ್‌ ರೈ ಸ್ಮರಣಾರ್ಥ ಇ-ಲರ್ನಿಂಗ್‌ ಕಿಟ್ಟನ್ನು ರೋಟರಿ ಜಿಲ್ಲೆಯ ಗವರ್ನರ್‌ ರೊ| ಎಸ್‌. ಗುರುರಾಜ್‌ ಅವರು ಉದ್ಘಾಟಿಸಿ ಮಾತನಾಡಿದರು.

ಕ್ಲಬ್‌ನ ಅಧ್ಯಕ್ಷ ವಿನಯಕುಮಾರ್‌ ಅವರು ಅಧ್ಯಕ್ಷತೆಯನ್ನು ವಹಿಸಿದ್ದರು. ಪೆರುವಾಜೆ  ಗ್ರಾಮ ಪಂಚಾಯತ್‌ ಅಧ್ಯಕ್ಷರಾದ ಅನಸೂಯಾ, ಸೆಲ್ಕೋ ಸೋಲಾರ್‌ನ ರಾಧಾಕೃಷ್ಣ, ಶಾಲಾ ಮುಖ್ಯ ಶಿಕ್ಷಕಿ ಸೀತಾ ಅವರು ಮುಖ್ಯ ಅತಿಥಿಯಾಗಿದ್ದರು. 
ಈ ಸಂದರ್ಭದಲ್ಲಿ ಕಾರ್ಯದರ್ಶಿ ನವೀನ್‌ಕುಮಾರ್‌ ರೈ, ದಶಮಾನೋತ್ಸವ ಆಚರಣೆ ಸಮಿತಿ ಚೇರ್‌ಮನ್‌ ಮಾಧವ ಗೌಡ, ನಿಕಟಪೂರ್ವ ಅಧ್ಯಕ್ಷ ಪ್ರಭಾಕರ ಆಳ್ವ, ರೋಟರಿ ಸದಸ್ಯರು, ಶಿಕ್ಷಕ ವೃಂದ ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.