ಲೆಗ ಬಿಫೋರ್‌ ತೀರ್ಪಿಗೆ ಮಾರ್ಗನ್‌ ಅಸಮಾಧಾನ

ನಾಗ್ಪುರ: ರವಿವಾರದ 2ನೇ ಟಿ-20 ಪಂದ್ಯದ ಅಂತಿಮ ಓವರಿನಲ್ಲಿ ಜಸ್‌ಪ್ರೀತ್‌ ಬುಮ್ರಾ ಮಾಡಿದ ಮ್ಯಾಜಿಕ್‌ ಈಗ ಸಾರ್ವತ್ರಿಕ ಪ್ರಶಂಸೆಗೆ ಪಾತ್ರವಾಗಿದೆ. ಆದರೆ ಈ ಓವರಿನ ಮೊದಲ ಎಸೆತದಲ್ಲಿ ಅಪಾಯಕಾರಿ ಜೋ ರೂಟ್‌ ವಿರುದ್ಧ ಬಂದ ಎಲ್‌ಬಿಡಬ್ಲ್ಯು ತೀರ್ಪಿಗೆ ಇಂಗ್ಲೆಂಡ್‌ ತಂಡದ ನಾಯಕ ಎವೋನ್‌ ಮಾರ್ಗನ್‌ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಈ ತೀರ್ಪಿನ ವಿರುದ್ಧ ಐಸಿಸಿ ಮ್ಯಾಚ್‌ ರೆಫ್ರಿಗೆ ದೂರು ನೀಡಲಾಗಿದೆ ಎಂದಿದ್ದಾರೆ.

“ಈ ಎಸೆತದ ವೇಳೆ ಚೆಂಡು ಬ್ಯಾಟನ್ನು ಸವರಿರುವುದು ಸ್ಪಷ್ಟವಾಗಿದೆ. ದುರದೃಷ್ಟವಶಾತ್‌ ತೀರ್ಪು ರೂಟ್‌ ವಿರುದ್ಧವಾಗಿ ಬಂದಿದೆ. ಈ ತೀರ್ಪಿನಿಂದಾಗ ನಾವು ಸೋಲುವಂತಾಯಿತು. ನಮ್ಮ ಬೌಲಿಂಗ್‌ ದಾಳಿ ಉತ್ತಮವಾಗಿತ್ತು. ನಾವಿನ್ನು 3ನೇ ಟಿ-20 ಪಂದ್ಯದತ್ತ ಗಮನ ಹರಿಸಬೇಕಾಗಿದೆ’ ಎಂದರು.