Advertisement
ಉಳ್ಳಾಲದಲ್ಲಿ ಶಾಶ್ವತ ಕಾಮಗಾರಿಯಿಂದ ಮೊಗವೀರಪಟ್ಣವರೆಗೆ ಕಡಲ್ಕೊರೆತ ಕಡಿಮೆಯಾಗಿದೆ. ಪರಿಣಾಮ 8 ವರ್ಷಗಳಿಂದ ಸೋಮೇಶ್ವರ ಉಚ್ಚಿಲದಲ್ಲಿ ಸಮುದ್ರ ಕೊರೆತ ಉಂಟಾಗುತ್ತಿದೆ. ಕೊರೆತದಿಂದ ಬೀಚ್‌ ರಸ್ತೆಯ ಒಂದು ಬದಿಯ ಮನೆಗಳು, ಅನೇಕ ಗೆಸ್ಟ್‌ ಹೌಸ್‌ಗಳು ಸಮುದ್ರ ಪಾಲಾಗಿತ್ತು. ಮೂರು ವರ್ಷಗಳಿಂದ ನ್ಯೂ ಉಚ್ಚಿಲದಿಂದ ಬಟ್ಟಪ್ಪಾಡಿವರೆಗೆ ತಾತ್ಕಾಲಿಕ ಕಲ್ಲು ಹಾಕಿದ್ದರಿಂದ ಕೆಲವು ಮನೆಗಳ ರಕ್ಷಣೆಯಾಗಿದ್ದು, ಪೆರಿಬೈಲು ಬಳಿ ಮನೆಗಳು ಮೊದಲೇ ಸಮುದ್ರ ಪಾಲಾದ ಕಾರಣ ಈ ವ್ಯಾಪ್ತಿಯಲ್ಲಿ ತಾತ್ಕಾಲಿಕ ತಡೆಗೋಡೆ ಕಾಮಗಾರಿ ನಡೆದಿರಲಿಲ್ಲ. ಆದರೆ ಈಗ ಬೀಚ್‌ ರಸ್ತೆ ಸೋಮೇಶ್ವರದಿಂದ ಸಂಪರ್ಕ ಕಡಿತಗೊಳ್ಳುವ ಸಾಧ್ಯತೆಯಿದೆ.
ಮೂರು ವರ್ಷಗಳಲ್ಲಿ ಈ ವ್ಯಾಪ್ತಿಯ ಸುಮಾರು 100ಕ್ಕೂ ಅಧಿಕ ಗಾಳಿ ಮರಗಳು ಸಮುದ್ರ ಪಾಲಾಗಿವೆ. ಮರಗಳು ಉರುಳಿದ ಬಳಿಕ ಅದರಡಿಯಲ್ಲಿದ್ದ ಕಲ್ಲುಗಳು 1 ತಿಂಗಳಿನಿಂದ ಕಾಣುತ್ತಿದ್ದು, ಉಳಿದಿರುವ 3 ಮರಗಳು ಶನಿವಾರ ಧರೆಗುರುಳಿವೆ. ವಿದ್ಯುತ್‌ ಕಂಬಗಳ ಸ್ಥಳಾಂತರ
ಬೀಚ್‌ ರಸ್ತೆಯ ಪೆರಿಬೈಲು ಬಳಿ ಸಮುದ್ರ ಬದಿಯಲ್ಲಿದ್ದ ವಿದ್ಯುತ್‌ ಕಂಬಗಳು ತಿಂಗಳ ಹಿಂದೆ ಬಂದಿದ್ದ ಗಾಳಿಮಳೆಗೆ ಧರೆಗುರುಳಿತ್ತು. ಇದೀಗ ಎರಡು ದಿನಗಳಿಂದ ಸುರಿಯುತ್ತಿರುವ ಗಾಳಿ ಮಳೆಗೆ ಇರುವ ಕಂಬಗಳು ತುಂಡಾಗಿ ಬಿದ್ದಿದೆ. ಶನಿವಾರ ರಸ್ತೆಯ ಇನ್ನೊಂದು ಬದಿಗೆ ಕಂಬ ಗಳ ಸ್ಥಳಾಂತರಿಸುವ ಕಾರ್ಯ ಆರಂಭಗೊಂಡಿದೆ. ಶನಿವಾರ ಮಧ್ಯಾಹ್ನವರೆಗೆ ಬೀಚ್‌ ರಸ್ತೆಯ ಸಂಪರ್ಕ ತಡೆಹಿಡಿದಿದ್ದು, ಕಂಬ ಸ್ಥಳಾಂತರಕ್ಕಾಗಿ ಸುಮಾರು 10ಕ್ಕೂ ಹೆಚ್ಚು ಗಾಳಿಮರಗಳನ್ನು ಕಡಿಯಲಾಗಿದೆ.
Related Articles
Advertisement
ರಸ್ತೆ ರಕ್ಷಣೆ ಶೀಘ್ರಜಿಲ್ಲಾಧಿಕಾರಿಗಳ ಆದೇಶದ ಮೇರೆಗೆ ಈ ವ್ಯಾಪ್ತಿಯಲ್ಲಿ ಮನೆ ಇರುವ ಕಡೆ ತಾತ್ಕಾಲಿಕ ಕಲ್ಲುಗಳನ್ನು ಹಾಕುವ ಕಾರ್ಯನಡೆಯುತ್ತಿದ್ದು ಪೆರಿಬೈಲು ವ್ಯಾಪ್ತಿಯಲ್ಲಿ ಶೀಘ್ರವೇ ಕಲ್ಲು ಹಾಕುವ ಕಾರ್ಯ ನಡೆಯಲಿದ್ದು, ರಸ್ತೆಯನ್ನು ರಕ್ಷಿಸುವ ಕಾರ್ಯ ನಡೆಯಲಿದೆ.
– ಸಂತೋಷ್‌, ಸಹಾಯಕ
ಆಯುಕ್ತ, ಕಂದಾಯ ಇಲಾಖೆ 30ಕ್ಕೂ ಹೆಚ್ಚು ಮನೆಗಳು ಅಪಾಯದಲ್ಲಿ
ಓಖೀ ಚಂಡಮಾರುತದ ಸಮುದ್ರ ತೀರದಲ್ಲಿ ಸಮಸ್ಯೆಯಾದಾಗ ಜಿಲ್ಲಾಧಿಕಾರಿಗಳು ಸಹಿತ ವಿವಿಧ ಇಲಾಖಾಧಿಕಾರಿಗಳು ಭೇಟಿ ನೀಡಿ ಪರಿಹಾರ ಕಂಡುಕೊಳ್ಳುವ ಭರವಸೆ ನೀಡಿದ್ದರು. ಈವರೆಗೆ ಪರಿಹಾರ ಸಿಕ್ಕಿಲ್ಲ. ಈ ನಿರ್ಲಕ್ಷ್ಯದಿಂದಾಗಿ ಸುಮಾರು 30ಕ್ಕೂ ಹೆಚ್ಚು ಮನೆಗಳು ಅಪಾಯದ ಸ್ಥಿತಿಯನ್ನು ಎದುರಿಸುವಂತಾಗಿದೆ.
– ಅಬ್ಟಾಸ್‌ ಪೆರಿಬೈಲು, ಸ್ಥಳೀಯ ನಿವಾಸಿ