BCCI ವನಿತಾ ಪ್ರೀಮಿಯರ್‌ ಲೀಗ್‌ ಸಮಿತಿ: ಬಿನ್ನಿ ನೇತೃತ್ವ

ಹೊಸದಿಲ್ಲಿ: ದೇಶದಲ್ಲಿ ವನಿತಾ ಪ್ರೀಮಿಯರ ಲೀಗ್‌ (ಡಬ್ಲ್ಯುಪಿಎಲ್‌)ನ ಅಭಿವೃದ್ಧಿಗೆ ಸಹಕಾರ ನೀಡುವ ಉದ್ದೇಶದಿಂದ ಭಾರತೀಯ ಕ್ರಿಕೆಟ್‌ ನಿಯಂತ್ರಣ ಮಂಡಳಿ (ಬಿಸಿಸಿಐ)ಯು ಎಂಟು ಸದಸ್ಯರ ಸಮಿತಿಯೊಂದನ್ನು ರಚಿಸಿದೆ. ಬಿಸಿಸಿಐ ಅಧ್ಯಕ್ಷರೂ ಆಗಿರುವ ರೋಜರ್‌ ಬಿನ್ನಿ ಅವರು ಈ ಸಮಿತಿಯ ನೇತೃತ್ವ ವಹಿಸಲಿದ್ದರೆ ಕಾರ್ಯದರ್ಶಿ ಜಯ್‌ ಶಾ ಸಮಿತಿಯ ಸಂಚಾಲಕರಾಗಿ ಇರಲಿದ್ದಾರೆ.

ಐಪಿಎಲ್‌ ಚೇರ್‌ಪರ್ಸನ್‌, ಅರುಣ್‌ ಧುಮಲ್‌, ರಾಜೀವ್‌ ಶುಕ್ಲ, ಆಶಿಷ್‌ ಶೆಲಾರ್‌, ದೇವಜಿತ್‌ ಸೈಕಿಯ, ಮಧುಮತಿ ಲೆಲೆ ಮತ್ತು ಪ್ರಭ್‌ತೇಜ್‌ ಭಾಟಿಯ ಸಮಿತಿಯ ಸದಸ್ಯರಾಗಿ ಆಯ್ಕೆಯಾಗಿದ್ದಾರೆ.

ಡಬ್ಯುಪಿಎಲ್‌ನ ಹರಾಜು ಪ್ರಕ್ರಿಯೆ ಡಿ. 9ರಂದು ಮುಂಬಯಿಯಲ್ಲಿ ನಡೆಯಲಿದ್ದು ಲೀಗ್‌ನ ಎರಡನೇ ಆವೃತ್ತಿಯ ದಿನಾಂಕ ಮತ್ತು ತಾಣಗಳ ವಿವರಗಳು ಸದ್ಯದಲ್ಲಿಯೇ ಪ್ರಕಟಿಸಲಾಗುವುದು.