ಮಹಿಳಾ ಐಪಿಎಲ್‌: ಟೆಂಡರ್‌ ಬಿಡುಗಡೆ

ಮುಂಬಯಿ: ಈ ವರ್ಷದಿಂದ ಮಹಿಳಾ ಐಪಿಎಲ್‌ ಆರಂಭವಾಗಲಿದೆ. ಈ ಹಿನ್ನೆಲೆಯಲ್ಲಿ ಬಿಸಿಸಿಐ, ಮಹಿಳಾ ಐಪಿಎಲ್‌ ತಂಡಗಳನ್ನು ಖರೀದಿಸಲು ಆಸಕ್ತರಿಂದ ಟೆಂಡರ್‌ ಆಹ್ವಾನಿಸಿದೆ.

ತಂಡ ಖರೀದಿಸುವ ಪ್ರಕ್ರಿಯೆ, ಷರತ್ತುಗಳು ಇನ್ನಿತರ ಎಲ್ಲ ಮಾಹಿತಿಗಳನ್ನು ಐಟಿಟಿಯಲ್ಲಿ (ಇನ್ವಿಟೇಶನ್‌ ಟು ಟೆಂಡರ್‌) ನೀಡಲಾಗಿದೆ. ಇದನ್ನು 5 ಲಕ್ಷ ರೂ. ನೀಡಿ ಜ. 21ರೊಳಗೆ ಖರೀದಿಸಬಹುದು. ಈ ಹಣವನ್ನು ಹಿಂತಿರುಗಿಸುವುದಿಲ್ಲ ಎಂದು ಬಿಸಿಸಿಐ ಸ್ಪಷ್ಟಪಡಿಸಿದೆ.

ಇದಕ್ಕೆ ಹಲವು ನಿಬಂಧನೆಗಳಿವೆ. ಯಾರಿಗೆ ತಂಡ ಖರೀದಿಸುವ ಅರ್ಹತೆ ಇದೆಯೋ, ಅಂಥವರನ್ನು ಮಾತ್ರ ಆಹ್ವಾನಿಸುತ್ತದೆ. ಕೇವಲ ಐಟಿಟಿ ಖರೀದಿ ಮಾಡಿದ ಮಾತ್ರಕ್ಕೆ ಯಾರಿಗೂ ತಂಡಗಳಿಗಾಗಿ ಬಿಡ್‌ ಸಲ್ಲಿಸಲು ಅಧಿಕಾರವಿರುವುದಿಲ್ಲ ಎಂದೂ ಬಿಸಿಸಿಐ ಖಚಿತಪಡಿಸಿದೆ.