IPL 2024 ಪಂದ್ಯ ದಿನ ಮೈದಾನದ ಫೋಟೋ ಹಂಚದಂತೆ ಬಿಸಿಸಿಐ ಸೂಚನೆ!

ನವದೆಹಲಿ: ಐಪಿಎಲ್‌ ಪಂದ್ಯಗಳು ನಡೆಯುವ ದಿನ ಮೈದಾನದ ಫೋಟೋ, ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳದಂತೆ ಬಿಸಿಸಿಐ ಸೂಚನೆ ನೀಡಿದೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ.

ಪ್ರಸಾರ ಹಕ್ಕುಗಳ ಉಲ್ಲಂಘನೆಯಾಗಲಿದೆ ಎಂಬ ಕಾರಣಕ್ಕೆ ಈ ಸೂಚನೆ ನೀಡಲಾಗಿದೆ ಎನ್ನಲಾಗಿದೆ. ಐಪಿಎಲ್‌ನ ವೀಕ್ಷಕ ವಿವರಣೆಗಾರರು, ಆಟಗಾರರು, ಕಂಟೆಂಟ್‌ ತಂಡ ಮತ್ತು ಫ್ರಾಂಚೈಸಿಗಳಿಗೆ ಈ ಸೂಚನೆ ನೀಡಲಾಗಿದೆ.

ಐಪಿಎಲ್‌ ಪ್ರಸಾರಕ್ಕಾಗಿ ಸಂಸ್ಥೆಗಳು ಕೋಟ್ಯಂತರು ರು. ಹಣವನ್ನು ಪಾವತಿ ಮಾಡಿರುತ್ತವೆ. ಆದ್ದರಿಂದ ಮೈದಾನದ ವಿಡಿಯೋ ಫೋಟೋಗಳ ಮೇಲೆ ಈ ಸಂಸ್ಥೆಗಳು ಸಂಪೂರ್ಣ ಹಕ್ಕು ಹೊಂದಿರುತ್ತವೆ. ಉಳಿದವರು ಇವುಗಳನ್ನು ಹಂಚಿಕೊ ಳ್ಳುವುದು ಪ್ರಸಾರ ಹಕ್ಕಿನ ಉಲ್ಲಂಘನೆ ಯಾಗುತ್ತದೆ ಎಂದು ಬಿಸಿಸಿಐ ಹೇಳಿದೆ ಎಂದು ವರದಿ ತಿಳಿಸಿದೆ