ಬೆಂಗಳೂರು: ಬಿಗ್ ಬಾಸ್ (Bigg Boss Kannada-11) ಮನೆಯಲ್ಲಿ 9ನೇ ವಾರದ ನಾಮಿನೇಟ್‌ ಪ್ರಕ್ರಿಯೆಗಳು ಆರಂಭವಾಗಿದೆ. ಆರೋಪ – ಪ್ರತ್ಯಾರೋಪಗಳ ನಡುವೆ ಮನೆಯಿಂದ ಆಚೆ ಹೋಗಲು ಹಲವು ಸ್ಪರ್ಧಿಗಳು ನಾಮಿನೇಟ್‌ ಆಗಿದ್ದಾರೆ.
ಈ ವಾರದ ಆರಂಭಿಕ ಟಾಸ್ಕ್‌ಗಾಗಿ ಬಿಗ್ ಬಾಸ್ ಮನೆ ರಾಜ ಮನೆತನವಾಗಿ ಬದಲಾಗಿದೆ. ಕ್ಯಾಪ್ಟನ್‌ ಮಂಜು ಅವರು ಮಹಾರಾಜರಾಗಿ ಬದಲಾಗಿದ್ದಾರೆ. ಅವರ ಆಜ್ಞೆಯಂತೆ ಮನೆಯ ಇತರೆ ಸದಸ್ಯರು ನಡೆದುಕೊಳ್ಳಬೇಕು. ಇಲ್ಲದಿದ್ರೆ ಶಿಕ್ಷೆಯನ್ನು ನೀಡಲಾಗುತ್ತದೆ.
ಇದೇ ಪ್ರಕ್ರಿಯೆಯಲ್ಲಿ ನಾಮಿನೇಟ್‌ ಹಂತ ಕೂಡ ಬಂದಿದ್ದು, ನಾಮಿನೇಟ್‌ ಆಗುವವರ ಫೋಟೋವನ್ನು ಬಾಣಕ್ಕೆ ಚುಚ್ಚಿ ಅದನ್ನು ಮುಖ್ಯದ್ವಾರದ ಹೊರಗೆ ಹೋಗುವಂತೆ ಮಾಡಿ ನಾಮಿನೇಟ್‌ ಮಾಡುವ ಪ್ರಕ್ರಿಯೆಯನ್ನು ನೀಡಲಾಗಿದೆ.
ಸ್ಪರ್ಧಿಗಳಲ್ಲಿ ಮೋಕ್ಷಿತಾ ಅವರು ತ್ರಿವಿಕ್ರಮ್ ಅವರ ಹೆಸರನ್ನು ಹೇಳಿದ್ದು, ಸ್ಟೇಜ್‌ ಬಿಲ್ಡ್‌ ಅಪ್‌ ಕೊಡುತ್ತಾರೆ ಆಚೆ ಏನೂ ಇಲ್ಲ ಅಂಥ ಹೇಳುತ್ತಾರೆ ಎಂದು ಮೋಕ್ಷಿತಾ ತ್ರಿವಿಕ್ರಮ್ ಬಗ್ಗೆ ಹೇಳಿದ್ದಾರೆ.
ಇದಕ್ಕೆ ತ್ರಿವಿಕ್ರಮ್ ನಾನು ಕೈಚಳಕ ತೋರಿಸುತ್ತಿದ್ದೇನೆ ಅಂಥ ಇವರು ಅನ್ಕೊಳ್ಳುತ್ತಾರೆ. ಆದರೆ ನಿಜವಾಗಿ ಕೈಚಳಕ ತೋರಿಸುತ್ತಿರುವುದು ಇವರು. ಗೌತಮಿ ಅವರು ನಾವು ಅನ್ಕೊಂಡ ಹಾಗೆ ಪಾಸಿಟಿವಿಟಿ ಅಲ್ಲ ಅಂತ ಇವರು ಹೇಳುತ್ತಾರೆ. ನನಗೆ ಗೋಮುಖ ವ್ಯಾಫ್ರ ಅಂತಾರೆ. ಇವರು ಎರಡು ತಲೆ ನಾಗರಹಾವು ಎಂದು ತ್ರಿವಿಕ್ರಮ್ ಮೋಕ್ಷಿತಾ ಮೇಲೆ ಗರಂ ಆಗಿದ್ದಾರೆ.
ಇದನ್ನು ಕೇಳಿದ ಮಹಾರಾಜ ಮಂಜು ಇದು ನಂಬಿಕೆ ದ್ರೋಹ. ಮಾತು ಬರುತ್ತದೆ ಅಂಥ ಮಾತನಾಡಬೇಡಿ ಎಂದು ತ್ರಿವಿಕ್ರಮ್ ಮೇಲೆ ರೇಗಾಡಿರುವುದನ್ನು ಪ್ರೋಮೊದಲ್ಲಿ ತೋರಿಸಲಾಗಿದೆ.
ಪಾಸಿಟಿವಿ ಆಗಿ ನಾನು ಇರುವುದು ನನ್ನ ಒಳ್ಳೆಯದಕ್ಕೆ ಇವರಿಗೆ ಕಾಣಿಸೋಕೆ ಅಲ್ಲವೆಂದು ಗೌತಮಿ ತ್ರಿವಿಕ್ರಮ್‌ಗೆ ಹೇಳಿದ್ದಾರೆ.
ಈ ಸಂಚಿಕೆ ಮಂಗಳವಾರ(ನ.26) ರ ರಾತ್ರಿ ಪ್ರಸಾರವಾಗಲಿದೆ.
