ಬಂಟ್ವಾಳ: ಮಾದಕ ಪದಾರ್ಥ ಸಾಗಾಟ; ಇಬ್ಬರ ಬಂಧನ

ಬಂಟ್ವಾಳ: ಆಟೋ ರಿಕ್ಷಾದಲ್ಲಿ ಅಕ್ರಮವಾಗಿ ಮಾದಕ ಪದಾರ್ಥ ಸಾಗಾಟ ಮಾಡುತ್ತಿದ್ದ ಇಬ್ಬರು ಆರೋಪಿಗಳನ್ನು ಗುರುವಾರ ಗೂಡಿನಬಳಿಯಲ್ಲಿ ರಿಕ್ಷಾ ಸಹಿತ ವಶಕ್ಕೆ ಪಡೆಯಲಾಗಿದೆ.

ಬಂಟ್ವಾಳ ಬಾರೆಕಾಡು ನಿವಾಸಿ ಇರ್ಷಾದ್‌ (23) ಹಾಗೂ ಮಂಜೇಶ್ವರ ಉದ್ಯಾವರಗುತ್ತು ನಿವಾಸಿ ದೀಕ್ಷಿತ್‌ (19) ಬಂಧಿತರು. ಆರೋಪಿಗಳಿಂದ ಸುಮಾರು 20 ಸಾವಿರ ರೂ. ಮೌಲ್ಯದ ಮಾದಕ ಪದಾರ್ಥಗಳು ಹಾಗೂ 75 ಸಾವಿರ ರೂ. ಮೌಲ್ಯದ ಆಟೋ ರಿಕ್ಷಾ ವಶಕ್ಕೆ ಪಡೆಯಲಾಗಿದೆ. ಬಂಟ್ವಾಳ ನಗರ ಠಾಣಾ ಎಸ್‌ಐ ಅವಿನಾಶ್‌ ಗೌಡ ಹಾಗೂ ಸಿಬಂದಿ ಗೂಡಿನಬಳಿಯಲ್ಲಿ ವಾಹನ ತಪಾಸಣೆ ಮಾಡುತ್ತಿದ್ದ ಸಮಯ ರಿಕ್ಷಾ ಪರಿಶೀಲನೆ ನಡೆಸಿದಾಗ ಮಾದಕ ಪದಾರ್ಥಗಳು ಪತ್ತೆಯಾಗಿವೆ. ಬಂಟ್ವಾಳ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.