Bantwala: ಲಾರಿಗೆ ತಂತಿ ಸಿಲುಕಿ ಉರುಳಿದ ಕಂಬ

ಬಂಟ್ವಾಳ: ಬಿ.ಸಿ.ರೋಡು-ಅಡ್ಡಹೊಳೆ ಹೆದ್ದಾರಿ ಕಾಮಗಾರಿ ನಿರ್ವಹಿಸುವ ಗುತ್ತಿಗೆ ಸಂಸ್ಥೆ ಕೆಎನ್‌ಆರ್‌ ಕಂಪೆನಿಯ ಟಿಪ್ಪರ್‌ ಲಾರಿಯೊಂದು ಮಣ್ಣು ಇಳಿಸುವ ಸಂದರ್ಭ ವಿದ್ಯುತ್‌ ತಂತಿ ಸಿಲುಕಿ ವಿದ್ಯುತ್‌ ಕಂಬ ಧರೆಗುರುಳಿದ ಘಟನೆ ಶನಿವಾರ ಮಾಣಿಯ ಪಲ್ಕೆಯಲ್ಲಿ ನಡೆದಿದೆ. ಘಟನೆಯಿಂದ ಇತರ ಯಾವುದೇ ಹಾನಿ ಉಂಟಾಗಿಲ್ಲ.

ವಿದ್ಯುತ್‌ ತಂತಿ ಹಾದು ಹೋಗಿರುವುದನ್ನು ಗಮನಿಸದೆ ಚಾಲಕ ಟಿಪ್ಪರ್‌ನ ಬಕೆಟ್‌ ಲಿಫ್ಟ್‌ ಮಾಡಿದ್ದು, ಈ ವೇಳೆ ವಿದ್ಯುತ್‌ ತಂತಿ ಸಿಲುಕಿದೆ. ಘಟನೆಯ ಸಂದರ್ಭ ಬೆಂಕಿ ಕಾಣಿಸಿಕೊಂಡಿದ್ದರೆ ಲಾರಿ ಹೊತ್ತಿ ಉರಿಯುವ ಜತೆಗೆ ಸುತ್ತಮುತ್ತಲ ಇತರ ಪ್ರದೇಶದಲ್ಲೂ ಬೆಂಕಿ ಕಾಣಿಸಿಕೊಳ್ಳುವ ಸಾಧ್ಯತೆ ಇತ್ತು. ಲಾರಿ ಚಾಲಕನ ನಿರ್ಲಕ್ಷéತನದ ಕುರಿತು ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.