Bantwal ಪಲ್ಲಮಜಲು: ಕ್ರಷ‌ರ್‌ ಯಂತ್ರ ಕಳವು

ಬಂಟ್ವಾಳ: ಬಿ.ಸಿ. ರೋಡಿನ ಪಲ್ಲಮಜಲಿನಲ್ಲಿ ಕಾರ್ಯಾಚರಿಸುತ್ತಿದ್ದು, ಕಳೆದ ಒಂದು ವರ್ಷದಿಂದ ಕಾರ್ಯಾಚರಣೆ ಸ್ಥಗಿತಗೊಳಿಸಲಾಗಿದ್ದ ಕೋರೆಯೊಂದರ ಕ್ರಷರ್‌ ಯಂತ್ರವನ್ನು ಯಾರೋ ಕಳವು ನಡೆಸಿದ ಘಟನೆ ಆ. 12ರಂದು ಬೆಳಕಿಗೆ ಬಂದಿದೆ.

ಘಟನೆಯ ಕುರಿತು ಬಿ. ಮೂಡ ಗ್ರಾಮ ನಿವಾಸಿ ಪಿ. ವಿನಯ ಶೆಟ್ಟಿ ಅವರು ದೂರು ನೀಡಿದ್ದು, ಅವರು 20 ವರ್ಷಗಳಿಂದ ಲಕ್ಷ್ಮೀ ಕ್ರಷರ್‌ ಎಂಬ ಕೋರೆಯಲ್ಲಿ ಕೆಲಸ ಮಾಡುತ್ತಿದ್ದು, 1 ವರ್ಷದ ಹಿಂದೆ ಅದರ ಕಾರ್ಯಾಚರಣೆ ನಿಲ್ಲಿಸಲಾಗಿದೆ.

ಅವರು ಆ. 12ರಂದು ಸ್ಥಳಕ್ಕೆ ಹೋಗಿ ನೋಡಿದಾಗ ಸುಮಾರು 450 ಕೆ.ಜಿ. ತೂಕದ 2,60,000 ರೂ. ಮೌಲ್ಯದ ಕ್ರಷ‌ರ್‌ ಯಂತ್ರ ಕಳವು ಮಾಡಿರುವುದು ಬೆಳಕಿಗೆ ಬಂದಿದೆ.

ಬಂಟ್ವಾಳ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.