ಕ್ರಿಕೆಟಿಗ ನಾಸಿರ್‌ ವರ್ತನೆಗೆ ಟೀಕೆ

ಚಿತ್ತಗಾಂಗ್‌: ಬಾಂಗ್ಲಾದೇಶದ ಸ್ಪಿನ್ನರ್‌ ನಾಸಿರ್‌ ಹೊಸೈನ್‌ ವಿವಾದ ಸೃಷ್ಟಿಸಿದ್ದಾರೆ. ಆಸ್ಟ್ರೇಲಿಯ ವಿರುದ್ಧದ 2ನೇ ಟೆಸ್ಟ್‌ ವೇಳೆ ಅವರು ಅಂಪಾಯರ್‌ ನೈಜೆಲ್‌ ಲಾಂಗ್‌ ಪಕ್ಕದಲ್ಲಿ ನಿಂತು ಅಂಪಾಯರ್‌ರಂತೆಯೇ ವರ್ತಿಸಿದ್ದು ಕಟು ಟೀಕೆಗೆ ಕಾರಣವಾಗಿದೆ. ಆದರೆ ಇದರ ವಿರುದ್ಧ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಸಂಸ್ಥೆ ಕ್ರಮ ಕೈಗೊಳ್ಳುವ ಸಾಧ್ಯತೆಯಿಲ್ಲ.

2ನೇ ಟೆಸ್ಟ್‌ ಮುಕ್ತಾಯದ ವೇಳೆ ಬಾಂಗ್ಲಾ ಸ್ಪಿನ್ನರ್‌ ಮೆಹದಿ ಹಸನ್‌ ಬೌಲಿಂಗ್‌ನಲ್ಲಿ ಆಸೀಸ್‌ ಬ್ಯಾಟ್ಸ್‌ಮನ್‌ ಪ್ಯಾಟ್‌ ಕಮಿನ್ಸ್‌ ಔಟ್‌ಗಾಗಿ ಮನವಿ ಸಲ್ಲಿಸಲಾಯಿತು. ಅಂಪಾಯರ್‌ ಲಾಂಗ್‌ ನಾಟೌಟ್‌ ತೀರ್ಪು ನೀಡಿದರು. ದರ ವಿರುದ್ಧ ಬಾಂಗ್ಲಾ ಡಿಆರ್‌ಎಸ್‌ಗೆ ಮನವಿ ಸಲ್ಲಿಸಿತು. ಅಲ್ಲಿ ಔಟ್‌ ಎಂಬ ತೀರ್ಪು ಬಂದ ಬಳಿಕ ಲಾಂಗ್‌ ಬೆರಳು ಮೇಲೆತ್ತಿ ಔಟ್‌ ಎಂದು ತೀರ್ಪು ನೀಡಿದರು. ಅದೇ ವೇಳೆ ಪಕ್ಕದಲ್ಲೇ ನಿಂತಿದ್ದ ನಾಸಿರ್‌ ಹೊಸೈನ್‌ ಕೂಡ ಕೈ ಬೆರಳು ಮೇಲೆತ್ತಿ ಅಂಪಾಯರ್‌ರಂತೆ ವರ್ತಿಸಿದರು. ಈ ಅಸಭ್ಯ ವರ್ತನೆ ಟೀಕೆಗೆ ಕಾರಣವಾಗಿದೆ.