Test Match: ಇನ್ನಿಂಗ್ಸ್‌ ಸೋಲಿನಿಂದ ಪಾರಾದ ಬಾಂಗ್ಲಾ

ಢಾಕಾ: ಬಾಲಂಗೋಚಿಗಳಾದ ಮೆಹಿದಿ ಹಸನ್‌ ಮಿರಾಜ್‌ ಮತ್ತು ಜಾಕರ್‌ ಅಲಿ ಅವರ ದಿಟ್ಟ ಬ್ಯಾಟಿಂಗ್‌ ಸಾಹಸದಿಂದ ದಕ್ಷಿಣ ಆಫ್ರಿಕಾ ಎದುರಿನ ಮೊದಲ ಟೆಸ್ಟ್‌ ಪಂದ್ಯದಲ್ಲಿ ಬಾಂಗ್ಲಾದೇಶ ಇನ್ನಿಂಗ್ಸ್‌ ಸೋಲಿನಿಂದ ಪಾರಾಗಿದೆ. ದ್ವಿತೀಯ ಇನ್ನಿಂಗ್ಸ್‌ನಲ್ಲಿ 7 ವಿಕೆಟಿಗೆ 283 ರನ್‌ ಗಳಿಸಿದ್ದು, 81 ರನ್‌ ಮುನ್ನಡೆಯಲ್ಲಿದೆ.

ಬಾಂಗ್ಲಾದ 106ಕ್ಕೆ ಉತ್ತರವಾಗಿ ದಕ್ಷಿಣ ಆಫ್ರಿಕಾ 308 ರನ್‌ ಪೇರಿಸಿತು. 202 ರನ್‌ ಹಿನ್ನಡೆಗೆ ಸಿಲುಕಿದ ಬಾಂಗ್ಲಾದೇಶ, ಒಂದು ಹಂತದಲ್ಲಿ 112ಕ್ಕೆ 6 ವಿಕೆಟ್‌ ಕಳೆದುಕೊಂಡು ಇನ್ನಿಂಗ್ಸ್‌ ಸೋಲಿನ ಭೀತಿಗೆ ಸಿಲುಕಿತ್ತು. ಆಗ ಜತೆಗೂಡಿದ ಮೆಹಿದಿ ಹಸನ್‌ ಮಿರಾಜ್‌ (ಬ್ಯಾಟಿಂಗ್‌ 87) ಮತ್ತು ಮೊದಲ ಟೆಸ್ಟ್‌ ಆಡುತ್ತಿರುವ ಜಾಕರ್‌ ಅಲಿ (58) 138 ರನ್ನುಗಳ ಅಮೋಘ ಜತೆಯಾಟ ನಡೆಸಿ ತಂಡವನ್ನು ದೊಡ್ಡ ಕಂಟಕದಿಂದ ಪಾರುಮಾಡಿದರು.