*ತಮಿಮ್‌ 103: ಬಾಂಗ್ಲಾದೇಶ-301/6; ವೆಸ್ಟ್‌ ಇಂಡೀಸ್‌-283/6
Advertisement
ಬಸೆಟರ್‌ (ಸೇಂಟ್‌ ಕಿಟ್ಸ್‌): ಆರಂಭಕಾರ ತಮಿಮ್‌ ಇಕ್ಬಾಲ್‌ ಅವರ ಶತಕ ಸಾಹಸದಿಂದ ಆತಿಥೇಯ ವೆಸ್ಟ್‌ ಇಂಡೀಸ್‌ ವಿರುದ್ಧದ 3ನೇ ಏಕದಿನ ಪಂದ್ಯವನ್ನು 18 ರನ್ನುಗಳಿಂದ ಗೆದ್ದ ಬಾಂಗ್ಲಾದೇಶ, 2-1 ಅಂತರದಿಂದ ಸರಣಿ ವಶಪಡಿಸಿಕೊಂಡಿದೆ. ವಿಶ್ವಕಪ್ ಅರ್ಹತಾ ಪಂದ್ಯಾವಳಿಯಲ್ಲಿ ಆಡ ಬೇಕಾದ ಸಂಕಟಕ್ಕೆ ಸಿಲುಕಿರುವ ಒಂದು ಕಾಲದ “ಕ್ರಿಕೆಟ್‌ ಕಿಂಗ್‌’ ವಿಂಡೀಸಿಗೆ ತವರಿನಲ್ಲೇ ಭಾರೀ ಮುಖಭಂಗವಾಗಿದೆ.
ಪ್ರಚಂಡ ಫಾರ್ಮ್ನಲ್ಲಿರುವ ಓಪನರ್‌ ತಮಿಮ್‌ ಇಕ್ಬಾಲ್‌ 124 ಎಸೆತ ಎದುರಿಸಿ 103 ರನ್‌ ಬಾರಿಸಿದರು (7 ಬೌಂಡರಿ, 2 ಸಿಕ್ಸರ್‌). ಇದು 182 ಪಂದ್ಯಗಳಲ್ಲಿ ತಮಿಮ್‌ ಹೊಡೆದ 8ನೇ ಶತಕವಾದರೆ, ಈ ಸರಣಿಯಲ್ಲಿ ಎರಡನೆಯದು. ಮೊದಲ ಪಂದ್ಯದಲ್ಲಿ ತಮಿಮ್‌ ಅಜೇಯ 130 ರನ್‌ ಬಾರಿಸಿದ್ದರು. ಈ ಪಂದ್ಯವನ್ನು ಬಾಂಗ್ಲಾ ಗೆದ್ದಿತ್ತು. 2ನೇ ಪಂದ್ಯದಲ್ಲಿ ತಮಿಮ್‌ 54 ರನ್‌ ಹೊಡೆದಿದ್ದರು. ಈ ಸಾಧನೆಗಾಗಿ ಅವರು ಪಂದ್ಯಶ್ರೇಷ್ಠ ಹಾಗೂ ಸರಣಿಶ್ರೇಷ್ಠ ಗೌರವಗಳೆರಡಕ್ಕೂ ಪಾತ್ರರಾಗಿದ್ದಾರೆ.
ಅಜೇಯ 67 ರನ್‌ ಮಾಡಿದ ಮಹಮದುಲ್ಲ ಬಾಂಗ್ಲಾದ ಮತ್ತೋರ್ವ ಪ್ರಮುಖ ಸ್ಕೋರರ್‌. ಗೇಲ್‌, ಪೊವೆಲ್‌ ಹೋರಾಟ ವ್ಯರ್ಥ ವೆಸ್ಟ್‌ ಇಂಡೀಸಿಗೆ ಕ್ರಿಸ್‌ ಗೇಲ್‌ ಸ್ಫೋಟಕ ಆರಂಭ ಒದಗಿಸಿದ್ದರು (66 ಎಸೆತಗಳಿಂದ 73 ರನ್‌, 6 ಬೌಂಡರಿ, 5 ಸಿಕ್ಸರ್‌). ವನ್‌ಡೌನ್‌ ಬ್ಯಾಟ್ಸ್‌ಮನ್‌ ಶೈ ಹೋಪ್‌ 64 ರನ್‌ ಬಾರಿಸಿದರು. 36ನೇ ಓವರ್‌ ವೇಳೆ ವಿಂಡೀಸ್‌ ಕೇವಲ 2 ವಿಕೆಟಿಗೆ 172 ರನ್‌ ಬಾರಿಸಿ ಗೆಲುವಿನ ಸೂಚನೆ ನೀಡಿತ್ತು. ಕೊನೆಯಲ್ಲಿ ರಿಕಾರ್ಡೊ ಪೊವೆಲ್‌ ಸಿಡಿದು ನಿಂತು 41 ಎಸೆತಗಳಿಂದ ಅಜೇಯ 74 ರನ್‌ ಸೂರೆಗೈದರು (5 ಬೌಂಡರಿ, 4 ಸಿಕ್ಸರ್‌). ಆದರೆ ಮ್ಯಾಚ್‌ ವಿನ್ನರ್‌ ಎನಿಸಿಕೊಳ್ಳಲು ಅವರಿಂದಾಗಲಿಲ್ಲ.
Related Articles
Advertisement
ಸಂಕ್ಷಿಪ್ತ ಸ್ಕೋರ್‌: ಬಾಂಗ್ಲಾದೇಶ-6 ವಿಕೆಟಿಗೆ 301 (ತಮಿಮ್‌ 101, ಮಹಮದುಲ್ಲ 67, ಶಕಿಬ್‌ 37, ನರ್ಸ್‌ 53ಕ್ಕೆ 2, ಹೋಲ್ಡರ್‌ 55ಕ್ಕೆ 2). ವೆಸ್ಟ್‌ ಇಂಡೀಸ್‌-6 ವಿಕೆಟಿಗೆ 283 (ಪೊವೆಲ್‌ ಅಜೇಯ 74, ಗೇಲ್‌ 73, ಹೋಪ್‌ 64, ಮೊರ್ತಜಾ 63ಕ್ಕೆ 2). ಪಂದ್ಯಶ್ರೇಷ್ಠ, ಸರಣಿಶ್ರೇಷ್ಠ: ತಮಿಮ್‌ ಇಕ್ಬಾಲ್‌.