ಕೋಲ್ಕತಾಗೆ ಬಂದ ಬಾಂಗ್ಲಾ ಸಂಸದ ನಾಪತ್ತೆ

ಕೋಲ್ಕತಾ: ಚಿಕಿತ್ಸೆಗೆಂದು ಮೇ 12ರಂದು ಕೋಲ್ಕತಾಗೆ ಬಂದಿದ್ದ ಬಾಂಗ್ಲಾ ಸಂಸದ ಅನ್ವರುಲ್‌ ಅಜೀಂ ಆನಂತರ ನಾಪತ್ತೆಯಾಗಿದ್ದಾರೆ ಎಂದು ಬಾಂಗ್ಲಾ ರಾಯಭಾರ ಕಚೇರಿ ಅಧಿಕಾರಿಯೊಬ್ಬರು ಹೇಳಿದ್ದಾರೆ.

ಬಾಂಗ್ಲಾದ ಆಡಳಿತಾರೂಢ ಅವಾಮಿ ಲೀಗ್‌ನ ಸಂಸದ ಅಜೀಂ ಮೇ 13ರಿಂದ ಕಾಣೆಯಾಗಿದ್ದಾರೆ. ಬಾರಾನಗರ್‌ನಲ್ಲಿನ ಸ್ನೇಹಿತರ ಮನೆಯಲ್ಲಿ ತಂಗಿದ್ದರು. ಮೇ 13ರಂದು ಯಾರನ್ನೋ ಭೇಟಿಯಾಗಲು ತೆರಳಿ ಮತ್ತೆ ಮರಳಿಲ್ಲ.

ಅಂದಿನಿಂದ ಕಾಣೆಯಾಗಿದ್ದರೂ ಕುಟುಂಬಕ್ಕೆ ಅವರ ನಂಬರ್‌ನಿಂದ ತಾವು ದೆಹಲಿಗೆ ಹೋಗಿದ್ದಾಗಿ ಸಂದೇಶ ಹೋಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.