Advertisement
ದೀಪಿಕಾ ಪಡುಕೋಣೆ ಅವರು ಈ ಸಮಾರಂಭದಲ್ಲಿ ಭಾಗಿಯಾದ ಏಕೈಕ ಭಾರತೀಯರಾಗಿದ್ದರು. ವಿಶೇಷ ವೆಂದರೆ, ಭಾರತೀಯ ಸಂಸ್ಕೃತಿಯಂತೆ ಚಿನ್ನದ ಬಣ್ಣದ ಸೀರೆ ಧರಿಸಿ ಕಂಗೊಳಿಸುತ್ತಿದ್ದ ಅವರು, ಇಂಗ್ಲಿಷ್‌ಯೇತರ ಸಿನೆಮಾಗಳ ವಿಭಾಗದಲ್ಲಿ ಪ್ರಶಸ್ತಿಯನ್ನು ಘೋಷಿಸಿದರು. ಈ ಸೀರೆಯನ್ನು ಸವ್ಯಸಾಚಿ ಮುಖರ್ಜಿ ವಿನ್ಯಾಸಗೊಳಿಸಿದ್ದಾರೆ.
ಪ್ರಮುಖವಾಗಿ ಇಂಗ್ಲಿಷ್‌ ಸಿನೆಮಾಗಳ ಕ್ಯಾಟಗರಿಯಲ್ಲಿ ಖ್ಯಾತ ವಿಜ್ಞಾನಿ ಜೆ. ರಾಬರ್ಟ್‌ ಓಪನ್‌ಹೈಮರ್‌ ಅವರ ಜೀವನ ಚರಿತ್ರೆ ಆಧರಿಸಿದ, ಕ್ರಿಸ್ಟೋಫ‌ರ್‌ ನೋಲನ್‌ ನಿರ್ದೇಶಿಸಿದ “ಓಪನ್‌ಹೈಮರ್‌’ ಸಿನಿಮಾ ಏಳು ವಿಭಾಗಗಳಲ್ಲಿ ಪ್ರಶಸ್ತಿಗಳನ್ನು ಬಾಚಿಕೊಂಡಿದೆ.