Hockey India ವಾರ್ಷಿಕ ಪ್ರಶಸ್ತಿ ಪ್ರದಾನ: ಹಾರ್ದಿಕ್‌, ಸಲೀಮಾ ಶ್ರೇಷ್ಠ ಆಟಗಾರರು

ಹೊಸದಿಲ್ಲಿ: ಭಾರತೀಯ ಹಾಕಿ ತಂಡದ ಸ್ಟಾರ್‌ ಮಿಡ್‌ಫೀಲ್ಡರ್‌ಗಳಾದ ಹಾರ್ದಿಕ್‌ ಸಿಂಗ್‌ ಮತ್ತು ಸಲೀಮಾ ಟೇಟೆ ಅವರು ಆರನೇ ಹಾಕಿ ಇಂಡಿಯಾ ವಾರ್ಷಿಕ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಅನುಕ್ರಮವಾಗಿ ಪುರುಷರ ಮತ್ತು ವನಿತೆಯರ ವಿಭಾಗದ ವರ್ಷದ ಶ್ರೇಷ್ಠ ಆಟಗಾರ ಪ್ರಶಸ್ತಿಯನ್ನು ಪಡೆದುಕೊಂಡಿದ್ದಾರೆ.

ಲೆಜೆಂಡರಿ ಬಲ್ಬಿàರ್‌ ಸಿಂಗ್‌ ಸೀನಿಯರ್‌ ಅವರ ಹೆಸರಿನಲ್ಲಿ ಕೊಡಮಾಡುವ ಈ ಪ್ರಶಸ್ತಿಯನ್ನು ತಲಾ 25 ಲಕ್ಷ ರೂ.ಗಳ ನಗದನ್ನು ಒಳಗೊಂಡಿದೆ. ಭಾರತ ತಂಡದ ಉಪನಾಯಕರೂ ಆಗಿರುವ ಹಾರ್ದಿಕ್‌ ಅವರು ವರ್ಷದ ಶ್ರೇಷ್ಠ ಮಿಡ್‌ಫಿàಲ್ಡರ್‌ಗೆ ಇರುವ ಅಜಿತ್‌ ಪಾಲ್‌ ಸಿಂಗ್‌ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ. ಈ ಪ್ರಶಸ್ತಿಯು 5 ಲಕ್ಷ ರೂ. ನಗದನ್ನು ಒಳಗೊಂಡಿದೆ.

ಭಾರತ ತಂಡದ ನಾಯಕ ಹರ್ಮನ್‌ಪ್ರೀತ್‌ ಸಿಂಗ್‌ ಅವರು ವರ್ಷದ ಶ್ರೇಷ್ಠ ಡಿಫೆಂಡರ್‌ಗೆ ಇರುವ ಪರ್ಗತ್‌ ಸಿಂಗ್‌ ಪ್ರಶಸ್ತಿ ಪಡೆದುಕೊಂಡಿದ್ದಾರೆ. ಖ್ಯಾತ ಗೋಲ್‌ಕೀಪರ್‌ ಪಿ.ಆರ್‌. ಶ್ರೀಜೇಶ್‌ ಅವರು ವರ್ಷದ ಶ್ರೇಷ್ಠ ಗೋಲ್‌ಕೀಪರ್‌ಗೆ ಆರುವ ಬಲ್ಜಿತ್‌ ಸಿಂಗ್‌ ಪ್ರಶಸ್ತಿ ಪಡೆದುಕೊಂಡಿದ್ದಾರೆ. ಪ್ರತಿಷ್ಠಿತ ಮೇಜರ್‌ ಧ್ಯಾನ್‌ಚಂದರ್‌ ಜೀವಮಾನ ಸಾಧನೆ ಪ್ರಶಸ್ತಿಯನ್ನು ಅಶೋಕ್‌ ಕುಮಾರ್‌ ಪಡೆದಿದ್ದಾರೆ. ಇದು 30 ಲಕ್ಷ ರೂ.ಗಳ ನಗದನ್ನು ಒಳಗೊಂಡಿದೆ. ಈ ವರ್ಷ ಒಟ್ಟಾರೆ 7.56 ಕೋಟಿ ರೂ.ಗಳ ಬಹುಮಾನ ನಿಧಿಯನ್ನು ಆಟಗಾರರಿಗೆ ವಿತರಿಸಲಾಗಿದೆ.