ಏಶ್ಯನ್‌ ಜೂ. ಬ್ಯಾಡ್ಮಿಂಟನ್‌ ಲಕ್ಷ್ಯಸೇನ್‌ ಫೈನಲ್‌ಗೆ ಲಗ್ಗೆ 

ಜಕಾರ್ತಾ: ಭಾರತದ ಉದಯೋನ್ಮುಖ ಶಟ್ಲರ್‌ ಲಕ್ಷ್ಯ ಸೇನ್‌ ಇಲ್ಲಿ ನಡೆಯುತ್ತಿರುವ ಏಶ್ಯನ್‌ ಜೂನಿಯರ್‌ ಬ್ಯಾಡ್ಮಿಂಟನ್‌ ಸ್ಪರ್ಧೆಯ ಪ್ರಶಸ್ತಿ ಸುತ್ತಿಗೆ ಲಗ್ಗೆ ಇರಿಸಿದ್ದಾರೆ. ಶನಿವಾರದ ಸೆಮಿಫೈನಲ್‌ ಕಾಳಗದಲ್ಲಿ ಅವರು ಆತಿಥೇಯ ಇಂಡೋನೇಶ್ಯದ ಎದುರಾಳಿ ಇಕ್ಷಾನ್‌ ಲಿಯೋನಾರ್ಡೊ ಇಮಾನ್ಯುಯೆಲ್‌ ರುಂಬೆ ವಿರುದ್ಧ 21-7, 21-14 ಅಂತರದ ಸುಲಭ ಜಯ ಸಾಧಿಸಿದರು.
ಲಕ್ಷ್ಯ ಸೇನ್‌-ರುಂಬೆ ನಡುವಿನ ಪಂದ್ಯ 40 ನಿಮಿಷಗಳಲ್ಲಿ ಮುಗಿದು ಹೋಯಿತು. ಮೊದಲ ಗೇಮ್‌ ಗೆಲ್ಲಲು ಲಕ್ಷ್ಯ ಕೇವಲ 16 ನಿಮಿಷ ತೆಗೆದುಕೊಂಡಿದ್ದರು.

6ನೇ ಶ್ರೇಯಾಂಕದ ಲಕ್ಷ್ಯ ಸೇನ್‌  ರವಿವಾರದ ಪ್ರಶಸ್ತಿ ಸಮರದಲ್ಲಿ ಅವರು ಅಗ್ರ ಶ್ರೇಯಾಂಕದ ಇಂಡೋನೇಶ್ಯನ್‌ ಶಟ್ಲರ್‌ ಕುನಾÉವುತ್‌ ವಿತಿದ್‌ಸರಣ್‌ ವಿರುದ್ಧ ಸೆಣಸಲಿದ್ದಾರೆ. ಇನ್ನೊಂದು ಸೆಮಿಫೈನಲ್‌ನಲ್ಲಿ ಅವರು ಚೀನದ ಯುಪೆಂಗ್‌ ಬೈ ವಿರುದ್ಧ 21-14, 21-12 ಅಂತರದ ಗೆಲುವು ಒಲಿಸಿಕೊಂಡರು.

 2 ಚಿನ್ನ ಜಯಿಸಿರುವ ಭಾರತ
ಏಶ್ಯನ್‌ ಜೂನಿಯರ್‌ ಬ್ಯಾಡ್ಮಿಂಟನ್‌ ಚಾಂಪಿಯನ್‌ಶಿಪ್‌ನಲ್ಲಿ ಭಾರತ ಈವರೆಗೆ 2 ಚಿನ್ನ , ಒಂದು ಬೆಳ್ಳಿ ಹಾಗೂ 4 ಕಂಚಿನ ಪದಕ ಜಯಿಸಿದೆ.