Badiyadka: ರಬ್ಬರ್‌ ತೋಟಕ್ಕೆ ಬೆಂಕಿ : ಅಪಾರ ನಷ್ಟ

ಬದಿಯಡ್ಕ: ಇಲ್ಲಿಗೆ ಸಮೀಪದ ಕಾಡಮನೆಯ ಬದ್ರುದ್ದೀನ್‌ ಅವರ ರಬ್ಬರ್‌ ತೋಟಕ್ಕೆ ಬೆಂಕಿ ಹತ್ತಿಕೊಂಡಿದ್ದು ಅಪಾರ ನಾಶನಷ್ಟ ಸಂಭವಿಸಿದೆ. 500 ಕ್ಕೂ ಅಧಿಕ ರಬ್ಬರ್‌ ಮರುಗಳು ಬೆಂಕಿಗಾಹುತಿಯಾಗಿದೆ. ಕಾಸರಗೋಡು ಅಗ್ನಿಶಾಮಕ ದಳ ಬೆಂಕಿಯನ್ನು ಆರಿಸಿತು. ವಿದ್ಯುತ್‌ ತಂತಿ ಸ್ಪರ್ಶದಿಂದ ಬೆಂಕಿ ಹತ್ತಿಕೊಂಡಿರಬೇಕೆಂದು ಶಂಕಿಸಲಾಗಿದೆ.

ಇದೇ ರೀತಿ ಮಾಯಿಪ್ಪಾಡಿಗೆ ಸಮೀಪದ ಕಿನ್‌ಫ್ರಾ ಕೈಗಾರಿಕಾ ಉದ್ಯಾನದ ಬಳಿಯ ಹಿತ್ತಿಲಿನಲ್ಲಿ ಬೆಂಕಿ ಹತ್ತಿಕೊಂಡಿದೆ. ಕಾಸರಗೋಡು ಅಗ್ನಿ ಶಾಮಕ ದಳ ಬೆಂಕಿಯನ್ನು ಆರಿಸಿತು.