6,500 ಪರದೆಗಳಲ್ಲಿ ಮಿಂಚಲಿದೆ ಬಾಹುಬಲಿ 2!

ಹೈದರಾಬಾದ್‌: ಎಸ್‌ಎಸ್‌ ರಾಜಮೌಳಿ ನಿರ್ದೇಶನದ ‘ಬಾಹುಬಲಿ 2’ ಮೇಲಿಂದ ಮೇಲೆ ದಾಖಲೆ ಬರೆಯುತ್ತಲೇ ಇದೆ. ದೇಶಾದ್ಯಂತ ಒಟ್ಟಾರೆ 6,500 ಪರದೆಗಳಲ್ಲಿ ‘ಬಾಹುಬಲಿ 2’ ತೆರೆಕಾಣಲಿದೆ. ಬಾಲಿವುಡ್‌ ಸೇರಿದಂತೆ ಭಾರತದ ಯಾವ ಚಿತ್ರವೂ ಇಷ್ಟು ದಾಖಲೆಯ ಪ್ರಮಾಣದಲ್ಲಿ ಪ್ರದರ್ಶನ ಕಂಡಿರಲಿಲ್ಲ. ಈ ಹಿಂದೆ ‘ಬಾಹುಬಲಿ-1’ 4000 ಸ್ಕ್ರೀನ್‌ಗಳಲ್ಲಿ ಪ್ರದರ್ಶನ ಕಂಡಿತ್ತು.

ಅಲ್ಲದೆ ಚಿತ್ರ ಬಿಡುಗಡೆಗೂ ಮುನ್ನವೇ ದಾಖಲೆಯ ಮಾರಾಟ ಕಂಡಿದ್ದು, 500 ಕೋಟಿ ರೂಪಾಯಿ ಗಳಿಸಿದೆ. ಪ್ರಭಾಸ್‌, ರಾಣಾ ದಗ್ಗುಭಾಟಿ, ಅನುಷ್ಕಾ ಶೆಟ್ಟಿ, ತಮನ್ನಾ ಭಾಟಿಯಾ ನಟಿಸಿರುವ ‘ಬಾಹುಬಲಿ 2’ ಏಪ್ರಿಲ್‌ 28ರಂದು ವಿಶ್ವದಾದ್ಯಂತ ತೆರೆಕಾಣಲಿದೆ.