ಆಸ್ಟ್ರೇಲಿಯನ್‌ ಓಪನ್‌: ಹ್ಯಾಟ್ರಿಕ್‌ ಹಾದಿಯಲ್ಲಿ ಫೆಡರರ್‌

ಮೆಲ್ಬರ್ನ್: ಆಸ್ಟ್ರೇಲಿಯನ್‌ ಓಪನ್‌ ಪುರುಷರ ಸಿಂಗಲ್ಸ್‌ನಲ್ಲಿ ಹೆಚ್ಚಿನವರ ಗಮನವೆಲ್ಲ “ಏಜ್‌ಲೆಸ್‌’ ರೋಜರ್‌ ಫೆಡರರ್‌ ಮೇಲಿದೆ. ಅವರೀಗ ಹ್ಯಾಟ್ರಿಕ್‌ ಹಾದಿಯಲ್ಲಿದ್ದಾರೆ.

ಫೆಡರರ್‌ ವಯಸ್ಸು ಕೂಡ ಸೆರೆನಾರಷ್ಟೇ (37 ವರ್ಷ). ಒಟ್ಟು 20 ಗ್ರ್ಯಾನ್‌ಸ್ಲಾಮ್‌ ಪ್ರಶಸ್ತಿಗಳ ಒಡೆಯ. ಇದರಲ್ಲಿ 6 ಆಸ್ಟ್ರೇಲಿಯನ್‌ ಓಪನ್‌ ಪ್ರಶಸ್ತಿಗಳು. ಕಳೆದೆರಡು ವರ್ಷ ಸತತವಾಗಿ ಕಿರೀಟ ಧರಿಸಿದ ಹೆಗ್ಗಳಿಕೆ. ಈಗಲೂ ತಾನು ಉತ್ತಮ ಮಟ್ಟದ ಟೆನಿಸ್‌ ಆಡುತ್ತಿದ್ದೇನೆ ಎಂಬ ವಿಶ್ವಾಸವೇ ಈ ಸ್ವಿಸ್‌ ಮಾಸ್ಟರ್‌ಗೆ ಸ್ಫೂರ್ತಿ.

ಅಪಾಯಕಾರಿ ಡೆನ್ನಿಸ್‌ ಇಸ್ತೋಮಿನ್‌ ಮೊದಲ ಸುತ್ತಿನ ಎದುರಾಳಿ. 2 ವರ್ಷಗಳ ಹಿಂದೆ ಹಾಲಿ ಚಾಂಪಿಯನ್‌ ನೊವಾಕ್‌ ಜೊಕೋವಿಕ್‌ ಅವರನ್ನು 2ನೇ ಸುತ್ತಿನಲ್ಲೇ ಪರಾಭವಗೊಳಿಸಿದ ಹೆಗ್ಗಳಿಕೆ ಇಸ್ತೋಮಿನ್‌ ಅವರದು. ಹೀಗಾಗಿ ಫೆಡರರ್‌ ಎಂದಿಗಿಂತ ಹೆಚ್ಚು ಎಚ್ಚರಿಕೆಯಿಂದ ಕೂಟವನ್ನು ಆರಂಭಿಸಬೇಕಿದೆ.