Australia; ಮದುವೆಗೆ ಬಾರದ್ದಕ್ಕೆ ಅತಿಥಿಗಳಿಗೆ ದಂಡ!

ಕ್ಯಾನ್ಬೆರಾ: ಮದುವೆಗೆ ಬರುತ್ತೇವೆಂದು ಮಾತುಕೊಟ್ಟು, ಅನಂತರ ಬರಲಾಗು ವುದಿಲ್ಲ ಎಂದು ನೆಪ ಹೇಳಿದ ಅತಿಥಿಗಳಿಗೆ “ನೋ ಶೋ ಫೀಸ್‌’ ವಿಧಿಸಲು ಆಸ್ಟ್ರೇಲಿಯದ ವಧು ಒಬ್ಬರು ಮುಂದಾಗಿದ್ದಾರೆ. ಈ ವಿಚಾರ ಇದೀಗ ಜಾಲತಾಣದಲ್ಲಿ ಭಾರೀ ವೈರಲ್‌ ಆಗುತ್ತಿದೆ. “ಶೀ ಇಸ್‌ ಆನ್‌ ದಿ ಮನಿ’ ಪಾಡ್‌ಕಾಸ್ಟ್‌ನಲ್ಲಿ ವಧು ಈ ವಿಚಾರವನ್ನು ಹಂಚಿಕೊಂಡಿದ್ದಾರೆ. ಅತಿಥಿಗಳ ವ್ಯವಸ್ಥೆಗೆಂದು 12,426 ಡಾಲರ್‌ (10.32 ಲಕ್ಷ ರೂ) ಗಳನ್ನು ಖರ್ಚು ಮಾಡಿ ವಿವಾ ಹ ಸ್ಥಳವನ್ನು ವಧು ಬುಕ್‌ ಮಾಡಿದ್ದಾರೆ. 6 ತಿಂಗಳ ಹಿಂದೆಯೇ ಅತಿಥಿಗಳ ಆಗಮನ ದೃಢಪಡಿಸಿಕೊಂಡಿದ್ದಾರೆ. ಆದಾಗ್ಯೂ ಮದುವೆಗೆ ಬರುತ್ತಿಲ್ಲವೆಂದು 10 ಅತಿಥಿಗಳು ಸಬೂಬು ನೀಡಿದ ಹಿನ್ನೆಲೆ ಅವರಿಗೆ “ನೋ ಶೋ ಫೀಸ್‌’ ವಿಧಿಸಲು ವಧು ಯೋಚಿಸಿದ್ದಾರೆ.