ರಸಮಯ ಕ್ಷಣ

ಕೇವಲ 4-5 ಸೆಕೆಂಡುಗಳೊಳಗೆ ಮುಗಿದು ಹೋದ ಶೃಂಗಾರಮಯ ದೃಶ್ಯವಿದು. ಗಂಡು ಹಕ್ಕಿ, ಹೆಣ್ಣು ಹಕ್ಕಿಯೊಂದಿಗೆ ಹೀಗೆ ಸರಸ ಸಲ್ಲಾಪದಲ್ಲಿ ತೊಡಗಿದ್ದು, ಗುಜರಾತ್‌ನ ಜಾಮ್‌ನಗರದಲ್ಲಿ. ಅಲ್ಲಿರುವ ಬರ್ಡ್‌ ಪ್ಯಾರಡೈಸ್‌ನಲ್ಲಿ ಜೋಡಿ ಹಕ್ಕಿಗಳೇ ಕಾಣಿಸುತ್ತವಾದರೂ, ಈ ಕ್ಷಣ ಸೆರೆಹಿಡಿಯಲು ಛಾಯಾಚಿತ್ರಗ್ರಾಹಕರು ಗಂಟೆಗಟ್ಟಲೆ, ದಿನಗಟ್ಟಲೆ ಕಾದು ಕೂತಿರುತ್ತಾರೆ. ಚುಟುಕು ರಸಮಯ ಕ್ಷಣದಲ್ಲಿ ಗಂಡು ಹಕ್ಕಿ ಖುಷಿಯಿಂದ ಜೋರಾಗಿ ಕೂಗುವುದು ಎದುರಿನ ಬೆಟ್ಟದಲ್ಲಿ ಪ್ರತಿಧ್ವನಿಯಾಗಿ ಕೇಳಿಸುತ್ತದೆ. “ಬ್ಲ್ಯಾಕ್‌ ವಿಂಗ್ಡ್ ಸ್ಟಿಲ್ಟ್’ ಎನ್ನುವ ಈ ಹಕ್ಕಿಗೆ, ಕನ್ನಡದಲ್ಲಿ “ಮೆಟ್ಟುಗಾಲು ಹಕ್ಕಿ’ ಎಂದು ಹೆಸರು. ನನ್ನ ಪಾಲಿಗೆ ಇವು, ಅಂತಾರಾಷ್ಟ್ರೀಯ ಪ್ರಶಸ್ತಿ ತಂದುಕೊಟ್ಟ, ಅದೃಷ್ಟದ ಹಕ್ಕಿಗಳಾಗಿವೆ.

* ಉದಯ ತೇಜಸ್ವಿ ಅರಸ್‌