ಅಸ್ಸಾಂ: ಭಾರೀ ಮಳೆ, ಪ್ರವಾಹಕ್ಕೆ 22 ಜಿಲ್ಲೆ ಸಂಪೂರ್ಣ ಜಲಾವೃತ, 34 ಮಂದಿ ಸಾವು

ದಿಸ್ಪುರ್(ಅಸ್ಸಾಂ):ಭಾರೀ ಮಳೆ, ಪ್ರವಾಹದಿಂದ ಅಸ್ಸಾಂನ 22 ಜಿಲ್ಲೆಗಳಿಗೆ ತೊಂದರೆಯಾಗಿದ್ದು, 16 ಲಕ್ಷ ಜನರು ಸಂಕಷ್ಟಕ್ಕೆ ಸಿಲುಕುವಂತಾಗಿದೆ ಎಂದು ಅಸ್ಸಾಂ ವಿಪತ್ತು ನಿರ್ವಹಣಾ ಪ್ರಾಧಿಕಾರ ಶುಕ್ರವಾರ ತಿಳಿಸಿದೆ. ಮಳೆ, ಪ್ರವಾಹಕ್ಕೆ ಗುರುವಾರ ಒಬ್ಬರು ಸಾವನ್ನಪ್ಪಿದ್ದು, ಒಟ್ಟು ಸಾವಿನ ಸಂಖ್ಯೆ 34ಕ್ಕೆ ಏರಿಕೆಯಾಗಿದೆ.

ಅಸ್ಸಾಂ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಮಾಹಿತಿ ಪ್ರಕಾರ, ರಾಜ್ಯದ 22 ಜಿಲ್ಲೆಗಳ ಸುಮಾರು 16,03,255 ಜನರು ಸಂಕಷ್ಟ ಅನುಭವಿಸುವಂತಾಗಿದೆ. 12,597 ಜನರು 162 ನಿರಾಶ್ರಿತ ಶಿಬಿರಗಳಲ್ಲಿ ವಾಸ್ತವ್ಯ ಹೂಡಿದ್ದಾರೆ. ಇದರಲ್ಲಿ ದೇಮಾಜಿ, ಲಾಕೀಂಪುರ್, ಬಿಸ್ವನಾಥ್, ಡರ್ರಾಂಗ್, ನಾಲ್ಬಾರಿ, ಬಾರ್ಪೆಟಾ ಸೇರಿದಂತೆ ಇತರ ಜಿಲ್ಲೆಗಳು ಸೇರಿವೆ.

ನಮಗೀಗ ತುರ್ತು ಸರ್ಕಾರದ ನೆರವು ಬೇಕಾಗಿದೆ. ಈವರೆಗೂ ನಮ್ಮ ಪ್ರದೇಶಕ್ಕೆ ಸರ್ಕಾರದ ಒಬ್ಬರೇ, ಒಬ್ಬ ಅಧಿಕಾರಿ ಭೇಟಿ ಕೊಟ್ಟಿಲ್ಲ. ರಾಜ್ಯ ಸರ್ಕಾರ ನಮಗೆ ನೆರವು ನೀಡಬೇಕಾಗಿದೆ ಎಂದು ಸ್ಥಳೀಯರು ಅಳಲು ತೋಡಿಕೊಂಡಿರುವುದಾಗಿ ವರದಿ ವಿವರಿಸಿದೆ.