Asia Taekwondo; ಏಷ್ಯಾ ಟೇಕ್ವಾಂಡೊ ಕೂಟ ಆರಂಭ

ಬೆಂಗಳೂರು: ಹತ್ತನೇ ಐಟಿಎಫ್ ಏಷ್ಯಾ ಟೇಕ್ವಾಂಡೊ ಕೂಟ ಬೆಂಗಳೂರಿನ ಕೋರಮಂಗಲ ಒಳಾಂಗಣ ಕ್ರೀಡಾಂಗಣದಲ್ಲಿ ಸೋಮವಾರ ಆರಂಭವಾಗಿದ್ದು, ಆ. 25ರ ವರೆಗೆ ನಡೆಯಲಿದೆ. ಟೇಕ್ವಾಂಡೊ ಏಷ್ಯಾ ಚಾಂಪಿಯನ್‌ಶಿಪ್‌ ಕರ್ನಾಟಕದಲ್ಲಿ ನಡೆಯುತ್ತಿರುವುದು ಇದೇ ಮೊದಲು.ಕೂಟದಲ್ಲಿ 28 ದೇಶಗಳ 750 ಸ್ಪರ್ಧಿಗಳು ಪಾಲ್ಗೊಂಡಿದ್ದಾರೆ. 8 ವರ್ಷದಿಂದ 70 ವರ್ಷ ವಯೋಮಿತಿ ವರೆಗಿನ ಸ್ಪರ್ಧಿಗಳೂ ಇದ್ದಾರೆ.

ದಕ್ಷಿಣ ಕೊರಿಯಾ, ಕಾಂಬೋಡಿಯ, ಇಂಡೋನೇಷ್ಯಾ, ಇರಾನ್‌, ಜಪಾನ್‌, ಕಝಕಸ್ಥಾನ, ಕಿರ್ಗಿಸ್ಥಾನ, ಮಲೇಷ್ಯಾ, ಮಂಗೋಲಿಯ, ನೇಪಾಲ, ಫಿಲಿಪ್ಪೀನ್ಸ್‌, ರಷ್ಯಾ, ಬಾಂಗ್ಲಾದೇಶ, ತಜಿಕಿಸ್ಥಾನ, ಯುಎಇ, ಉಜ್ಬೆಕಿಸ್ಥಾನ,ತುರ್ಕ್‌ಮೆನಿಸ್ಥಾನ, ಇಂಗ್ಲೆಂಡ್‌, ಅಮೆರಿಕ, ಕೆನಡಾ, ಅಫ್ಘಾನಿಸ್ಥಾನದಿಂದ ಸ್ಪರ್ಧಿಗಳು ಆಗಮಿಸಿದ್ದಾರೆ.