Asia Cup; ಸೂಪರ್‌-4 ಹಂತದ ಪಂದ್ಯಗಳು ಸ್ಥಳಾಂತರ?

ಕೊಲಂಬೊ: ಭಾರೀ ಮಳೆಯ ಕಾರಣ ಏಷ್ಯಾ ಕಪ್‌ ಸೂಪರ್‌-4 ಹಂತದ ಪಂದ್ಯಗಳು ಕೊಲಂಬೊದಿಂದ ಸ್ಥಳಾಂತರ ಗೊಳ್ಳಲಿವೆಯೇ? ಇಂಥದೊಂದು ಸಾಧ್ಯತೆ ಗೋಚರಿಸುತ್ತಿದೆ.

ಸೆ. 9ರಿಂದ 5 ಸೂಪರ್‌-4 ಹಾಗೂ ಫೈನಲ್‌ ಪಂದ್ಯ ಕೊಲಂ ಬೊದಲ್ಲಿ ನಡೆಯಲಿದೆ. ಮಳೆಯ ಅಬ್ಬರವೂ ಜೋರಿದೆ. ಹೀಗಾಗಿ ಈ ಪಂದ್ಯಗಳನ್ನು ಕೊಲಂಬೊದಿಂದ ಸ್ಥಳಾಂತರಿಸುವ ಕುರಿತು ಎಸಿಸಿ ಯೋಚಿಸುತ್ತಿದೆ. 3 ಬದಲಿ ತಾಣಗಳನ್ನು ಆಯ್ಕೆ ಮಾಡಲಾಗಿದೆ. ಇವುಗಳೆಂದರೆ ಪಲ್ಲೆಕೆಲೆ, ಡಂಬುಲ ಮತ್ತು ಹಂಬಂತೋಟ.

ಪಲ್ಲೆಕೆಲೆಯಲ್ಲಿ ಈಗ ಲೀಗ್‌ ಪಂದ್ಯಗಳು ನಡೆಯುತ್ತಿವೆ. ಆದರೆ ಇಲ್ಲಿ ಮಳೆಯ ಅಬ್ಬರ ಜೋರಿದೆ. ಇಲ್ಲಿಂದ 70 ಕಿ.ಮೀ. ದೂರದಲ್ಲಿರುವ ಡಂಬುಲದಲ್ಲಿ ಮಳೆ ಅಷ್ಟೇನೂ ಇಲ್ಲ. ಆದರೆ ಇಲ್ಲಿ ಏಕಾಏಕಿ ದೊಡ್ಡ ಕೂಟದ ಪಂದ್ಯ ಗಳನ್ನು ಆಯೋಜಿಸಲು ಸಿದ್ಧತೆ ಸಾಲದು ಎನ್ನಲಾಗಿದೆ. ಆದರೆ ಹಂತಂತೋಟದಲ್ಲಿ ಕ್ರಿಕೆಟ್‌ಗೆ ಪೂರಕವಾದ ವಾತಾವರಣ ಇದೆ.