Arvind Kejriwal: ಇನ್ನು 2 ದಿನಗಳಲ್ಲಿ ದಿಲ್ಲಿ ಸಿಎಂ ಅಧಿಕೃತ ನಿವಾಸ ತೊರೆಯಲಿರುವ ಕೇಜ್ರಿ

ನವದೆಹಲಿ: ದೆಹಲಿ ಮಾಜಿ ಸಿಎಂ ಅರವಿಂದ ಕೇಜ್ರಿವಾಲ್‌ ಅವರು ಇನ್ನು 2 ದಿನಗಳಲ್ಲಿ ಮುಖ್ಯಮಂತ್ರಿ ಅಧಿಕೃತ ನಿವಾಸ ತೊರೆಯುವ ಸಾಧ್ಯತೆಗಳಿವೆ. ಅವರು ನವದೆಹಲಿ ಕ್ಷೇತ್ರದ ಮನೆಯೊಂದಕ್ಕೆ ತಮ್ಮ ವಾಸಸ್ಥಾನ ಬದಲಿಸಲಿದ್ದಾರೆ.

ಕೇಜ್ರಿವಾಲ್‌ ತಮ್ಮ ಕುಟುಂಬದೊಂದಿಗೆ ರಾಜ್ಯಸಭಾ ಸದಸ್ಯರಿಗೆ ನೀಡಲಾಗಿರುವ ಮಂಡಿ ಹೌಸ್‌ನಲ್ಲಿರುವ ಬಂಗಲೆಯೊಂದಕ್ಕೆ ತೆರಳಲಿದ್ದಾರೆ ಎನ್ನಲಾಗಿದೆ. ಈ ಬಂಗಲೆಯು ಆಪ್‌ ಪ್ರಧಾನ ಕಚೇರಿಗೆ ಸಮೀಪವಾಗಿದೆ.

2015ರಿಂದ ಕೇಜ್ರಿವಾಲ್‌ ಹಾಲಿ ನಿವಾಸದಲ್ಲಿ ವಾಸಿಸುತ್ತಿದ್ದರು. ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ನೀಡಿರುವ ಹಿನ್ನೆಲೆಯಲ್ಲಿ ಅಧಿಕೃತ ನಿವಾಸವನ್ನು ತೊರೆಯುವ ಬಗ್ಗೆ ಕೂಡ ಕೇಜ್ರಿವಾಲ್‌ ಪ್ರಕಟಿಸಿದ್ದರು.