ಅರುಣಾಚಲ ಪ್ರದೇಶದಲ್ಲಿ ಲಘು ಭೂಕಂಪ, ಸಾವು ನೋವು ಇಲ್ಲ

ಹೊಸದಿಲ್ಲಿ :  ಅರುಣಾಚಲ ಪ್ರದೇಶದ ಲೋಹಿತ್‌ ಜಿಲ್ಲೆಯಲ್ಲಿ ಇಂದು ಶುಕ್ರವಾರ ಬೆಳಗ್ಗೆ 10 ಗಂಟೆಯ ಹೊತ್ತಿಗೆ ಲಘು ಭೂಕಂಪ ಸಂಭವಿಸಿದೆ. ರಿಕ್ಟರ್‌ ಮಾಪಕದಲ್ಲಿ ಇದರ ತೀವ್ರತೆಯು 4.2 ಅಂಕಗಳಲ್ಲಿ  ದಾಖಲಾಗಿದೆ.

ಸುಮಾರು ಹತ್ತು ಕಿ.ಮೀ. ನೆಲದಾಳದಲ್ಲಿ ಈ ಭೂಕಂಪ ಸಂಭವಿಸಿದ್ದು ಯಾವುದೇ ಸಾವು ನೋವು, ನಾಶ ನಷ್ಟ ಉಂಟಾದ ವರದಿಗಳು ಬಂದಿಲ್ಲ. 

ಇಂದು ಬೆಳಗ್ಗೆ 6 ಗಂಟೆಯ ಸುಮಾರಿಗೆ ಅರುಣಾಚಲ ಪ್ರದೇಶದಲ್ಲಿ ತರಬೇತಿ ನಿರತ ವಾಯು ಪಡೆಯ ಹೆಲಿಕಾಪ್ಟರ್‌ ಪತನಗೊಂಡು ಐವರು ಸಾವಿಗೀಡಾಗಿರುವ ಶಂಕೆ ಇದ್ದು ಒಬ್ಟಾತ ಗಂಭೀರವಾಗಿ ಗಾಯಗೊಂಡಿರುವುದಾಗಿ ವರದಿಯಾಗಿದೆ.

ಭೂಕಂಪ ಸಂಭವಿಸುವುದಕ್ಕೆ ನಾಲ್ಕು ತಾಸು ಮುನ್ನವೇ ಘಟಿಸಿರುವ ಹೆಲಿಕಾಪ್ಟರ್‌ ಪತನಕ್ಕೂ ಭೂಕಂಪಕ್ಕೂ ಯಾವುದೇ ಸಂಬಂಧ ಇರಲಾರದೆಂದು ಹೇಳಲಾಗಿದೆ.