Advertisement
ಆರೋಪಿಗಳ ವಿರುದ್ಧ ನಾಗಮಂಗಲ ಠಾಣೆ, ಕೆ.ಪಿ.ಅಗ್ರಹಾರ, ವೈಯಾಲಿಕಾವಲ್‌ ಠಾಣೆಗಳಲ್ಲಿ ಕೊಲೆ, ಕೊಲೆ ಯತ್ನ, ದರೋಡೆ ಪ್ರಕರಣಗಳು ದಾಖಲಾಗಿವೆ. ಪ್ರಕರಣದ ಪ್ರಮುಖ ಆರೋಪಿ, ರೌಡಿಶೀಟರ್‌ ಪಳನಿ ತನ್ನ ಸಹಚರಾರದ ಮೋನಿ, ಚಂದ್ರು ಸೇರಿ 8 ಮಂದಿ ಜತೆ ಶ್ರೀರಂಗಪಟ್ಟಣದ ಸಾತನೂರು ಪೊಲೀಸರಿಗೆ ಶರಣಾಗಿದ್ದಾನೆ.
Related Articles
Advertisement
ಭೀಮಾನ ಅಮವಾಸ್ಯೆಯಂದು ಕೊಲೆ: ಪ್ರತಿ ಅಮವಾಸ್ಯೆಗೆ ಯಾವುದೇ ಭದ್ರತೆ ಇಲ್ಲದೆ ಒಬ್ಬನೇ ಹೋಗುವ ಅರಸಯ್ಯ ಈ ಬಾರಿಯ ಭೀಮನ ಅಮವಾಸ್ಯೆಯ ವಿಶೇಷ ಪೂಜೆಗೂ ಏಕಾಂಗಿಯಾಗಿ ಹೋಗುತ್ತಿದ್ದ. ಈ ಮಾಹಿತಿ ತಿಳಿದ ಪಳನಿ ಮತ್ತು ತಂಡ ಬೆಂಗಳೂರಿನಿಂದಲೇ ಹಿಂಬಾಲಿಸಿದೆ.
ಬಳಿಕ ಅರಸಯ್ಯ ಪೂಜೆ ಮುಗಿಸುವವರೆಗೂ ಕಾದು ಒಬ್ಬನೇ ಕಾರಿನಲ್ಲಿ ಹಿಂದಿರುಗುವಾಗ ಶ್ರೀರಂಗಪಟ್ಟಣ ತಾಲೂಕಿನ ಮೈಸೂರು ಬೆಂಗಳೂರು ಹೆದ್ದಾರಿಯ ಟಿ.ಎಂ.ಹೊಸೂರು ಗೇಟ್‌ ಬಳಿ ಅಡ್ಡಗಟ್ಟಿದ್ದಾರೆ. ಬಳಿಕ ಪಳನಿ ಸೇರಿ ಸುಮಾರು 15 ಮಂದಿ ಮಾರಕಾಸ್ತ್ರಗಳಿಂದ ಹತ್ಯೆಗೈದಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ನಂತರ ತಮಿಳುನಾಡಿನಲ್ಲಿ ತಲೆಮರೆಸಿಕೊಂಡಿದ್ದ ಆರೋಪಿಗಳು ತಮ್ಮ ವಿರುದ್ಧ ಬೆಂಗಳೂರಿನ ಸಿಸಿಬಿ ಹಾಗೂ ಮಂಡ್ಯ ಜಿಲ್ಲಾ ಪೊಲೀಸರು ವಿಶೇಷ ಕಾರ್ಯಾಚರಣೆ ನಡೆಸುತ್ತಿದ್ದಾರೆ ಎಂಬ ಮಾಹಿತಿ ಪಡೆದು ಬುಧವಾರ ಬೆಳಗ್ಗೆಯೇ ಪಳನಿ ತನ್ನ 8 ಮಂದಿ ಸಹಚರರ ಜತೆ ಸೇರಿ ಸಾತನೂರು ಠಾಣೆಯಲ್ಲಿ ಶರಣಾಗಿದ್ದು, ಸತೀಶ್‌, ಶೇಖರ್‌ ಮತ್ತು ಉದಯ್‌ ಕೆ.ಪಿ.ಅಗ್ರಹಾರ ಠಾಣಾ ವ್ಯಾಪ್ತಿಯ ಬಿನ್ನಿಸ್ಟೋನ್‌ ಗಾರ್ಡ್‌ನ್‌ ಬಳಿ ತಲೆಮರೆಸಿಕೊಂಡು ದರೋಡೆಗೆ ಸಂಚು ರೂಪಿಸಿದ್ದರು. ಈ ಮಾಹಿತಿ ಪಡೆದ ಸಿಸಿಬಿ ಪೊಲೀಸರು ಮೂವರನ್ನು ಬಂಧಿಸಿದ್ದಾರೆ.