ಅರೇಕಾ ಟೀ:ನಿವೇದನ್‌ಗೆ ಮತ್ತೂಂದು ರಾಷ್ಟ್ರೀಯ ಪುರಸ್ಕಾರ

ಪುತ್ತೂರು: ಅರೇಕಾ ಟೀ (ಅಡಿಕೆಯಿಂದ ತಯಾರಿಸಿದ ಚಹಾ) ಆರೋಗ್ಯಕ್ಕೆ ಒಳ್ಳೆಯದು ಎಂದು ತೋರಿಸಿ ರಾಷ್ಟ್ರೀಯ ಪುರಸ್ಕಾರಕ್ಕೆ  ಪಾತ್ರರಾಗಿದ್ದ ದಕ್ಷಿಣ ಕನ್ನಡ ಮೂಲದ ನಿವೇದನ್‌ ನೆಂಪೆ ಅವರಿಗೆ ಇದೀಗ ಮತ್ತೂಂದು ರಾಷ್ಟ್ರೀಯ ಪುರಸ್ಕಾರ ಲಭಿಸಿದೆ.

ಈ ಹಿಂದೆ ಅರೇಕಾ ಟೀಗೆ ಮೇಕ್‌ ಇನ್‌ ಇಂಡಿಯಾ ಪ್ರಶಸ್ತಿ ಲಭಿಸಿತ್ತು. ಈಗ ಮತ್ತೆ ರಾಷ್ಟ್ರೀಯ ಪ್ರಶಸ್ತಿ ದೊರೆತಿದೆ. ದೇಶದ ಪ್ರತಿಷ್ಠಿತ ಸಂಸ್ಥೆಯಾದ ಇಂಡಿಯನ್‌ ಕೌನ್ಸಿಲ… ಆಫ್ ಫ‌ುಡ್‌ ಆ್ಯಂಡ್‌ ಅಗ್ರಿಕಲ್ಚರ್‌ ಸಂಸ್ಥೆಯು ಅರೇಕಾ ಟೀಯನ್ನು ಈ ವರ್ಷದ ಉತ್ತಮ ಅಗ್ರಿಕಲ್ಚರ್‌ ಸ್ಟಾರ್ಟಪ್‌ ಉತ್ಪನ್ನ ಎಂದು ಘೋಷಿಸಿದೆ.  ಹೊಸದಿಲ್ಲಿಯಲ್ಲಿ  ಗುರುವಾರ ಆರಂಭವಾದ ಎರಡು ದಿನಗಳ ಕಾರ್ಯಕ್ರಮದಲ್ಲಿ  ಅರೇಕಾ ಟೀ ಕಂಡುಹಿಡಿದ ನಿವೇದನ್‌ ನೆಂಪೆ ಅವರಿಗೆ ಈ ಪ್ರಶಸ್ತಿಯನ್ನು ವಿತರಿಸಲಾಯಿತು. ಇದು ಎಲ್ಲ ಅಡಿಕೆ ಬೆಳೆಗಾರರಲ್ಲಿ  ಮತ್ತೆ ಸಂತಸ ಮೂಡಿಸಿದೆ.