Advertisement

Archery World Cup Stage 2: ವನಿತಾ ಕಾಂಪೌಂಡ್‌ ತಂಡಕ್ಕೆ ಬಂಗಾರ

11:09 PM May 25, 2024 | Team Udayavani |

ಯೆಚಿಯಾನ್‌ (ದಕ್ಷಿಣ ಕೊರಿಯಾ): ಭಾರತದ ವನಿತಾ ಕಾಂಪೌಂಡ್‌ ತಂಡ ವಿಶ್ವಕಪ್‌ ಆರ್ಚರಿ ಪಂದ್ಯಾವಳಿಯಲ್ಲಿ ಚಿನ್ನಕ್ಕೆ ಗುರಿ ಇರಿಸಿದೆ. ಕಾಂಪೌಂಡ್‌ ಮಿಶ್ರ ತಂಡ ಸ್ಪರ್ಧೆಯಲ್ಲಿ ಬೆಳ್ಳಿ ಪದಕ ಒಲಿದಿದೆ.

Advertisement

ಜ್ಯೋತಿ ಸುರೇಖಾ ವೆನ್ನಮ್‌, ಪರ್ಣೀತ್‌ ಕೌರ್‌ ಮತ್ತು ಅದಿತಿ ಸ್ವಾಮಿ ಅವರನ್ನು ಒಳಗೊಂಡ ವಿಶ್ವದ ನಂ.1 ಖ್ಯಾತಿಯ ಕಾಂಪೌಂಡ್‌ ಆರ್ಚರಿ ತಂಡ ಟರ್ಕಿ ವಿರುದ್ಧ 232-226 ಅಂತರದ ಗೆಲುವು ಸಾಧಿಸಿತು. ಇದರೊಂದಿಗೆ ಈ ಮೂವರ ತಂಡ ವಿಶ್ವಕಪ್‌ ಪಂದ್ಯಾವಳಿಯಲ್ಲಿ ಬಂಗಾರದ ಹ್ಯಾಟ್ರಿಕ್‌ ಸಾಧಿಸಿದಂತಾಯಿತು. ಕಳೆದ ವರ್ಷ ಪ್ಯಾರಿಸ್‌ ಪಂದ್ಯಾವಳಿ ಹಾಗೂ ಈ ಸೀಸನ್‌ನ ಆರಂಭದಲ್ಲಿ ಶಾಂಘೈಯಲ್ಲಿ ನಡೆದ ವರ್ಲ್ಡ್ ಕಪ್‌ ಸ್ಟೇಜ್‌-1ರ ಸ್ಪರ್ಧೆಯಲ್ಲಿ ಇವರು ಚಿನ್ನದ ಪದಕ ಜಯಿಸಿದ್ದರು.

ಜ್ಯೋತಿ-ಪ್ರಿಯಾಂಶ್‌ ಪರಾಭವ:

ಏಷ್ಯನ್‌ ಗೇಮ್ಸ್‌ ಚಾಂಪಿಯನ್‌ ಆಗಿರುವ ಜ್ಯೋತಿ ಸುರೇಖಾ ವೆನ್ನಮ್‌ ಮತ್ತು ಪ್ರಿಯಾಂಶ್‌ ಅವರನ್ನೊಳಗೊಂಡ ಮಿಶ್ರ ತಂಡ ಅಮೆರಿಕದ ಒಲಿವಿಯಾ ಡೀನ್‌-ಸಾಯರ್‌ ಸುಲ್ಲಿವಾನ್‌ ವಿರುದ್ಧ ಸೋಲನುಭವಿಸಿತು (155-153).

 

Advertisement
Advertisement

Udayavani is now on Telegram. Click here to join our channel and stay updated with the latest news.

Next