ಬಳ್ಳಾರಿಯ ಕುಡಿತಿನಿಯಲ್ಲಿ  ಮಿತ್ತಲ್‌ ಸೋಲಾರ್‌ ಘಟಕ

ನವದೆಹಲಿ: ಜಗತ್ತಿನ ಅತಿ ದೊಡ್ಡ ಉಕ್ಕು ಉತ್ಪಾದಕ ಕಂಪನಿ ಆರ್ಸೆಲರ್‌ ಮಿತ್ತಲ್‌ ಕರ್ನಾಟಕದಲ್ಲಿನ ತನ್ನ ಉಕ್ಕು ಉತ್ಪಾದನಾ ಕೇಂದ್ರದಲ್ಲಿ ಸೋಲಾರ್‌ ಫಾರ್ಮ್ ಸ್ಥಾಪಿಸಲು ಚಿಂತನೆ ನಡೆಸಿದೆ. 

2010ರಲ್ಲಿ ಉದ್ಯಮಿ ಲಕ್ಷ್ಮಿ ಮಿತ್ತಲ್‌ ಅವರ ಕಂಪನಿ ಬಳ್ಳಾರಿಯ ಕುಡಿತಿನಿ 6 ಮೆಟ್ರಿಕ್‌ ಟನ್‌ ಸಾಮ­ರ್ಥ್ಯದ ಉಕ್ಕು ಉತ್ಪಾದನಾ ಕಂಪನಿ ಸ್ಥಾಪನೆಗೆ ಕರ್ನಾ­ಟಕ ಸರ್ಕಾರದೊಂದಿಗೆ ಒಪ್ಪಂದಕ್ಕೆ ಬಂದಿತ್ತು. ಅದರಂತೆ ಕಂಪನಿಗೆ ಸ್ಥಳ ಲಭ್ಯವಾಗಿತ್ತು. ಆದರೆ ಸದ್ಯ ಜಾಗತಿಕ ಮಟ್ಟದಲ್ಲಿ ಹೆಚ್ಚುವರಿ ಉಕ್ಕು ಉತ್ಪಾದನೆ, ಕಚ್ಚಾವಸ್ತುಗಳ ಸಂಪಾದನೆ­ಯಲ್ಲಿ ವಿಳಂಬವಾಗುತ್ತಿರುವುದ­ರಿಂದ ಆ ಸ್ಥಳದಲ್ಲಿ ಸೋಲಾರ್‌ ಸ್ಥಾವರ ನಿರ್ಮಾಣಕ್ಕೆ ಉದ್ದೇಶಿಸಿದೆ. 750 ಮೆ.ವ್ಯಾ. ಸಾಮರ್ಥ್ಯದ ಈ ವಿದ್ಯುತ್‌ ಉತ್ಪಾದನಾ ಕೇಂದ್ರಕ್ಕೆ ಕಂಪನಿ ಸುಮಾರು 43 ಸಾವಿರ ಕೋಟಿ ರೂ. ಬಂಡವಾಳ ಹೂಡಲು ಚಿಂತಿಸಿದೆ. ಈಗಾ­ಗಲೇ ಕಂಪನಿ 2,659 ಎಕರೆ ಖಾಸಗಿ ಜಮೀನನ್ನು ಪಡೆದಿದ್ದು, ಇನ್ನೂ 136.33 ಎಕರೆ ಕರ್ನಾಟಕ ಸರ್ಕಾರದಿಂದ ಹಸ್ತಾಂತರವಾಗಬೇಕಿದೆ.