Karnataka ನಿಗಮ, ಮಂಡಳಿಗಳ ನೇಮಕ: ಪಕ್ಷ-ಸರಕಾರದ ನಡುವೆ ಜಟಾಪಟಿ

ಬೆಂಗಳೂರು: ವಿವಿಧ ನಿಗಮ, ಮಂಡಳಿಗಳಿಗೆ ಅಧ್ಯಕ್ಷರು, ಉಪಾಧ್ಯಕ್ಷರು ಹಾಗೂ ನಿರ್ದೇಶಕರ ನೇಮಕದ ವಿಚಾರದಲ್ಲಿ ಸರಕಾರ ಹಾಗೂ ಪಕ್ಷದ ನಡುವೆ ಜಟಾಪಟಿ ನಡೆಯುತ್ತಿದ್ದು, ನೇಮಕಾತಿ ಕಗ್ಗಂಟಾಗಿದೆ.

ಸಚಿವ ಸ್ಥಾನ ವಂಚಿತ ಶಾಸಕರನ್ನು ವಿವಿಧ ನಿಗಮ, ಮಂಡಳಿಗಳಿಗೆ ನೇಮಿಸಬೇಕೆಂಬುದು ಸರಕಾರದ ಒತ್ತಾಸೆಯಾಗಿದ್ದರೆ, ಪಕ್ಷ ಸಂಘಟನೆಗೆ ದುಡಿದ ಮುಖಂಡರು ಹಾಗೂ ಕಾರ್ಯ ಕರ್ತರನ್ನು ನೇಮಿಸಬೇಕೆಂಬುದು ಕಾಂಗ್ರೆಸ್‌ ಒತ್ತಾಯ.

ಹೀಗಾಗಿ ಈ ವಿಷಯದಲ್ಲಿ ಸರಕಾರ ಹಾಗೂ ಪಕ್ಷದ ನಡುವೆ ಹೊಂದಾಣಿಕೆ-ಒಮ್ಮತ ಮೂಡದ ಕಾರಣ ಗೊಂದಲ ಉಂಟಾಗಿದೆ.