ಒಂದೇ ದಿನ 1007 ಆರ್‌ಟಿಇ ಅರ್ಜಿ ಸಲ್ಲಿಕೆ

ಬೆಂಗಳೂರು: ಕಡ್ಡಾಯ ಶಿಕ್ಷಣ ಹಕ್ಕು ಕಾಯ್ದೆಯಡಿ ಮುಂದಿನ ಶೈಕ್ಷಣಿಕ ವರ್ಷಕ್ಕೆ ಖಾಸಗಿ ಶಾಲೆಗಳಲ್ಲಿ ಲಭ್ಯವಿರುವ ಶೇ.25ರಷ್ಟು ಸೀಟಿಗೆ ಒಂದೇ ದಿನ 1007 ಅರ್ಜಿ ಸಲ್ಲಿಕೆಯಾಗಿದೆ. 

ಸಾರ್ವಜನಿಕ ಶಿಕ್ಷಣ ಇಲಾಖೆ ಫೆ.20ರ ರಾತ್ರಿ ಆರ್‌ಟಿಇ ಅರ್ಜಿ ಸಲ್ಲಿಸಲು ಅವಕಾಶ ಮಾಡಿಕೊಟ್ಟಿತ್ತು. ಬುಧವಾರ ರಾತ್ರಿ ವೇಳೆಗೆ 33 ಶೈಕ್ಷಣಿಕ ಜಿಲ್ಲೆಯಿಂದ ವಿವಿಧ ಖಾಸಗಿ ಶಾಲೆಗೆ 1007 ಅರ್ಜಿ ಸಲ್ಲಿಕೆಯಾಗಿದೆ ಎಂದು ಇಲಾಖೆ ಪ್ರಕಟಣೆ ತಿಳಿಸಿದೆ.

ಸರ್ವರ್‌ ಪ್ರಾಬ್ಲಿಂ: ಆರ್‌ಟಿಇ ಅರ್ಜಿ ಸಲ್ಲಿಸಲು ಪ್ರತ್ಯೇಕ ಸಾಫ್ಟ್ವೇರ್‌ ರಚನೆ ಮಾಡಲಾಗಿದೆ. ಮಗುವಿನ
ಆಧಾರ್‌ ಸಂಖ್ಯೆ ಇದ್ದರೆ ಮಾತ್ರ ಅರ್ಜಿ ಸಲ್ಲಿಸಲು ಸಾಧ್ಯ. ಅರ್ಜಿ ಸಲ್ಲಿಸಲು ಶಿಕ್ಷಣ ಇಲಾಖೆ ವೆಬ್‌ಸೈಟ್‌ ಡಿಡಿಡಿ.
schooleducation.com ಗೆ ಭೇಟಿ ನೀಡಿ ಆರ್‌ಟಿಇ ಲಿಂಕ್‌ ಒಪನ್‌ ಮಾಡಿದರೆ, ಆಧಾರ್‌ ಸಂಖ್ಯೆ ಇದೆಯೇ
ಅಥವಾ ಇಲ್ಲವೋ ಎಂದು ಕೇಳುತ್ತದೆ. 

ಆಧಾರ್‌ ಇದೇ ಎಂದು ಕ್ಲಿಕ್‌ ಮಾಡಿದರೆ ಓಪನ್‌ ಆಗಲು ಕನಿಷ್ಠ ಅರ್ಧಗಂಟೆ ತೆಗೆದುಕೊಳ್ಳುತ್ತಿದೆ. ಒಮ್ಮೊಮ್ಮೆ ಆ ಲಿಂಕ್‌
ಒಪನ್‌ ಆಗುವುದೇ ಇಲ್ಲ ಎಂದು ಪೋಷಕರು ಆರೋಪಿಸಿದ್ದಾರೆ.