Bridge Collaps: ಬಿಹಾರದಲ್ಲಿ ಕುಸಿದು ಬಿತ್ತು ಮತ್ತೊಂದು ಸೇತುವೆ, 3 ವಾರದಲ್ಲಿ 13ನೇ ಘಟನೆ

ಸಹರ್ಸಾ (ಬಿಹಾರ): ಬಿಹಾರದಲ್ಲಿ ಸತತವಾಗಿ ಸೇತುವೆ ಕುಸಿತ ಸಂಭವಿಸುತ್ತಿದ್ದು, ಬುಧವಾರ ಸಹರ್ಸಾ ಜಿಲ್ಲೆಯ ಮಹಿಷಿ ಹಳ್ಳಿಯಲ್ಲಿ ಮತ್ತೂಂದು ಸೇತುವೆ ಕುಸಿದಿದೆ. ಇದರೊಂದಿಗೆ ಕೇವಲ ಮೂರೇ ವಾರದಲ್ಲಿ ರಾಜ್ಯಾದ್ಯಂತ 13ನೇ ಸೇತುವೆ ಕುಸಿದಂತಾಗಿದೆ.

ಘಟನೆಯಲ್ಲಿ ಯಾವುದೇ ಜೀವಹಾನಿ ಅಥವಾ ಗಾಯಗಳು ಸಂಭವಿಸಿಲ್ಲ ಎನ್ನಲಾಗಿದೆ.

ಈ ಕುರಿತು ಹೇಳಿಕೆ ನೀಡಿರುವ ಅಧಿಕಾರಿಗಳು ಇಂದು (ಬುಧವಾರ) ಕುಸಿದು ಬಿದ್ದಿರುವ ಸೇತುವೆ ಸಣ್ಣ ಸೇತುವೆ ಎಂದು ಹೇಳಿದ್ದಾರೆ.
ಇಮ್ಮು ಸೇತುವೆ ಕುಸಿತ ಪ್ರಕರಣಕ್ಕೆ ಸಂಬಂಧಿಸಿ ಸಿವನ್‌, ಸರನ್‌, ಮಧುಬನಿ, ಅರಾರಿಯ, ಪೂರ್ವ ಚಂಪಾರಣ್‌, ಕಿಶನ್‌ಗಂಜ್‌ ಜಿಲ್ಲೆಯ 15 ಎಂಜಿನಿಯರ್‌ಗಳನ್ನು ಬಿಹಾರ ಸರ್ಕಾರ ಅಮಾನತು ಮಾಡಿದೆ.

ರಾಜ್ಯಾದ್ಯಂತ ಸೇತುವೆಗಳು ಕುಸಿತಗೊಳ್ಳುತ್ತಿರುವ ನಿಟ್ಟಿನಲ್ಲಿ ಅಧಿಕಾರಿಗಳ ಸಭೆ ನಡೆಸಿದ ಸಿಎಂ ನಿತೀಶ್ ಕುಮಾರ್ ರಾಜ್ಯಾದ್ಯಂತ ಇರುವ ಹಳೆಯ ಸೇತುವೆಗಳನ್ನು ಗುರುತಿಸಿ ಯಾವುದನ್ನು ದುರಸ್ತಿ ಮಾಡಿಸಬೇಕೆಂದು ತಕ್ಷಣ ವರದಿ ನೀಡುವಂತೆ ಆದೇಶ ನೀಡಿದ್ದಾರೆ.

ಇದನ್ನೂ ಓದಿ: Memory power: 50ಕ್ಕೂ ಹೆಚ್ಚು ದೇಶಗಳ ರಾಷ್ಟ್ರಧ್ವಜ ಗುರುತಿಸುವ ಶಿರ್ವದ 5ರ ಪೋರ