Advertisement
27ರ ಹರೆಯದ ಅಂಕಿತಾ ರೈನಾ 2018ರ ಏಶ್ಯನ್‌ ಗೇಮ್ಸ್‌ ವನಿತಾ ಸಿಂಗಲ್ಸ್‌ನಲ್ಲಿ ಕಂಚಿನ ಪದಕ ಜಯಿ ಸಿದ್ದರು. ಬಳಿಕ ಫೆಡ್‌ ಕಪ್‌ ಟೆನಿಸ್‌ನಲ್ಲಿ ಅಮೋಘ ಪ್ರದ ರ್ಶನ ನೀಡಿದ್ದರು. ಭಾರತವನ್ನು ಮೊದಲ ಬಾರಿಗೆ ವಿಶ್ವ ಗ್ರೂಪ್‌ ಪ್ಲೇ-ಆಫ್‌ ಸುತ್ತಿಗೆ ಕೊಂಡೊಯ್ಯುವಲ್ಲಿ ಅಂಕಿತಾ ಆಟವೇ ನಿರ್ಣಾಯಕವಾಗಿತ್ತು.
ದಿಲ್ಲಿಯ 34ರ ಹರೆಯದ ದಿವಿಜ್‌ ಶರಣ್‌ ಜಕಾರ್ತಾ ಏಶ್ಯಾಡ್‌ ಪುರುಷರ ಡಬಲ್ಸ್‌ನಲ್ಲಿ ರೋಹನ್‌ ಬೋಪಣ್ಣ ಜತೆಗೂಡಿ ಚಿನ್ನದ ಪದಕ ಗೆದ್ದ ಹೆಗ್ಗಳಿಕೆ ಹೊಂದಿದ್ದಾರೆ. 2019ರಲ್ಲಿ ದೇಶದ ಅಗ್ರಮಾನ್ಯ ಡಬಲ್ಸ್‌ ಆಟಗಾರನೆಂಬ ಹಿರಿಮೆಗೂ ದಿವಿಜ್‌ ಪಾತ್ರರಾಗಿದ್ದರು. ಕಳೆದ ವರ್ಷ ಎರಡು ಎಟಿಪಿ ಡಬಲ್ಸ್‌ ಪ್ರಶಸ್ತಿ ಗೆದ್ದ ಸಾಧನೆಯೂ ದಿವಿಜ್‌ ಶರಣ್‌ ಅವರದಾಗಿದೆ. ಪುಣೆಯಲ್ಲಿ ನಡೆದ ಟಾಟಾ ಓಪನ್‌ನಲ್ಲಿ ರೋಹನ್‌ ಬೋಪಣ್ಣ ಜತೆಯಲ್ಲಿ, ಸೇಂಟ್‌ ಪೀಟರ್ಬರ್ಗ್‌ನಲ್ಲಿ ಐಗರ್‌ ಝೆಲೆನಾಯ್‌ ಜತೆಗೂಡಿ ದಿವಿಜ್‌ ಈ ಸಾಧನೆ ಮಾಡಿದ್ದರು. “ಇವರಿಬ್ಬರೂ ಅರ್ಜುನ ಪ್ರಶಸ್ತಿಗೆ ಖಂಡಿತವಾಗಿಯೂ ಅರ್ಹರು’ ಎಂಬುದಾಗಿ ಅಖೀಲ ಭಾರತ ಟೆನಿಸ್‌ ಅಸೋಸಿಯೇಶನ್‌ನ (ಎಐಟಿಎ) ಕಾರ್ಯದರ್ಶಿ ಹಿರಣೊ¾àಯ್‌ ಚಟರ್ಜಿ ಹೇಳಿದ್ದಾರೆ.
Related Articles
60 ವರ್ಷದ ನಂದನ್‌ ಬಾಲ್‌ 1980-83ರ ಅವಧಿಯಲ್ಲಿ ಡೇವಿಸ್‌ ಕಪ್‌ ಪಂದ್ಯಾವಳಿಯಲ್ಲಿ ಆಡಿದ್ದರು. ಬಳಿಕ ಭಾರತದ ಡೇವಿಸ್‌ ಕಪ್‌ ತಂಡದ ಕೋಚ್‌ ಆಗಿ ಸುದೀರ್ಘ ಕಾಲ ಸೇವೆ ಸಲ್ಲಿಸಿದ್ದರು.
Advertisement
ಈವರೆಗೆ ಕೇವಲ ಮೂವರು ಟೆನಿಸ್‌ ಕೋಚ್‌ಗಳಿಗಷ್ಟೇ ಅರ್ಜುನ ಪ್ರಶಸ್ತಿ ಒಲಿದು ಬಂದಿದೆ. 2014ರಲ್ಲಿ ಜೀಶನ್‌ ಅಲಿ, 2015ರಲ್ಲಿ ಎಸ್‌.ಪಿ. ಮಿಶ್ರಾ ಮತ್ತು ಕಳೆದ ವರ್ಷ ನಿತಿನ್‌ ಕೀರ್ತನೆ ಈ ಗೌರವಕ್ಕೆ ಪಾತ್ರರಾಗಿದ್ದರು.