ಎಂದು ಸ್ಪಷ್ಟಪಡಿಸಿದ್ದಾರೆ. ಇದೇ ವೇಳೆ 12 ಗ್ರ್ಯಾನ್‌ ಸ್ಲಾಮ್‌ ಗೆದ್ದಿರುವ ಸರ್ಬಿಯಾದ ಜೊಕೊವಿಚ್‌, ಜಪಾನ್‌ನ ನಿಶಿಕೋರಿಯಂತಹ ಪ್ರಮುಖರು ಕೂಡ ಕೂಟದಿಂದ ಹಿಂದಕ್ಕೆ ಸರಿದಿರುವುದನ್ನು ಘೋಷಿಸಿದ್ದಾರೆ. ಜೊಕೊವಿಚ್‌ ಮೊಣಕೈ ನೋವಿನಿಂದ ಬಳಲುತ್ತಿದ್ದಾರೆ. ನಿಶಿಕೋರಿ ಕಳೆದ ಆಗಸ್ಟ್‌ನಲ್ಲಿ ಗಾಯಕ್ಕೆ ತುತ್ತಾಗಿ ಕೂಟಗಳಿಂದ ದೂರವಿದ್ದರು.
Advertisement
ಒಟ್ಟಾರೆ ಹೊಸ ವರ್ಷವನ್ನು ಗೆಲುವಿನೊಂದಿಗೆ ಆರಂಭಿಸಬೇಕು ಎಂದು ಕನಸು ಕಾಣುತ್ತಿದ್ದ ದಿಗ್ಗಜ ಆಟಗಾರರಿಗೆ ಈಗ ದೊಡ್ಡ ನಿರಾಸೆಯಾಗಿದೆ ಎನ್ನುವುದಷ್ಟು ಸತ್ಯ. 30 ವರ್ಷದ ಮರ್ರೆ ಕಳೆದ ಕೆಲವು ದಿನಗಳಿಂದ ತೀವ್ರ ಸೊಂಟ ನೋವಿನಿಂದ ಬಳಲುತ್ತಿದ್ದಾರೆ. ಕಳೆದ ವರ್ಷವೂ ಇವರು ಗಾಯಗೊಂಡಿದ್ದರು. ಪ್ರಮುಖ ಎಟಿಪಿ ಕೂಟವೊಂದನ್ನು ಕಳೆದುಕೊಂಡಿದ್ದರು. ಇದೇ ವೇಳೆ ಪ್ರತಿಕ್ರಿಯಿಸಿರುವ ಮರ್ರೆ, ಮೆಲ್ಬರ್ನ್ ಕೂಟದಲ್ಲಿ ಪಾಲ್ಗೊಳ್ಳಲು ಆಗದಿರುವುದಕ್ಕೆ ಬೇಸರವಿದೆ. ಶೀಘ್ರದಲ್ಲೇ ನನ್ನ ಕುಟುಂಬ ಸದಸ್ಯರನ್ನು ಕೂಡಿಕೊಳ್ಳಲಿದ್ದೇನೆ. ಮತ್ತೆ ಟೆನಿಸ್‌ಗೆ ಮರಳುವ ವಿಶ್ವಾಸವಿದೆ ಎಂದಿದ್ದಾರೆ.