ಹೈದರಾಬಾದ್: ಒಂದೆಡೆ ಅನಂತ್‌ ಅಂಬಾನಿ ಮತ್ತು ರಾಧಿಕಾ ಮರ್ಚಂಟ್‌ ಪ್ರಿ ವೆಡ್ಡಿಂಗ್‌ ಸಂಭ್ರಮ ಸದ್ದು ಮಾಡುತ್ತಿದ್ದರೆ, ಮತ್ತೊಂದೆಡೆ ಆಂಧ್ರಪ್ರದೇಶದಲ್ಲಿ ನವ ವಧು ವರನ ಪ್ರಿ ವೆಡ್ಡಿಂಗ್‌ ಆಲ್ಬಂ ಶೂಟ್‌ ವಿಡಿಯೋ ವೈರಲ್ ಆಗಿದೆ!
ಇದನ್ನೂ ಓದಿ:Air Hostess: ಗುದನಾಳದಲ್ಲಿ 1kg ಚಿನ್ನ ಬಚ್ಚಿಟ್ಟು ಅಧಿಕಾರಿಗಳ ಕೈಗೆ ಸಿಕ್ಕಿಬಿದ್ದ ಗಗನಸಖಿ
ಇದರಲ್ಲಿ ವಿಶೇಷ ಏನೆಂದರೆ ನವ ವಧು ವರರ ಫೋಟೊ ಶೂಟ್‌ ಗೆ ಡೈರೆಕ್ಷನ್‌ ಕೊಟ್ಟಿದ್ದು ಅವರನ್ನು ಕರೆದೊಯ್ದಿದ್ದ ದೋಣಿ ನಾವಿಕ! ಫೋಟೊ ಶೂಟ್‌ ಗಾಗಿ ದೋಣಿಯನ್ನು ಬಾಡಿಗೆ ಪಡೆದಿದ್ದು, ಈ ಸಂದರ್ಭದಲ್ಲಿ ಹೊಳೆ ಮಧ್ಯೆದಲ್ಲಿ ಫೋಟೊ, ಸೆಲ್ಫಿ ತೆಗೆದುಕೊಳ್ಳುತ್ತಿದ್ದ ವಧು-ವರನಿಗೆ ದೋಣಿ ನಾವಿಕ ಹೇಗೆ ನಿಲ್ಲಬೇಕು, ಯಾವ ಪೋಸ್‌ ಕೊಡಬೇಕೆಂದು ನಿರ್ದೇಶನ ನೀಡಿದ್ದು ವೈರಲ್ ವಿಡಿಯೋದಲ್ಲಿ ಸೆರೆಯಾಗಿದೆ.
ತಲೆಗೆ ಮುಂಡಾಸು, ಚಡ್ಡಿ, ಬನಿಯನ್‌ ನಲ್ಲಿದ್ದ ದೋಣಿ ನಾವಿಕ ನವ ವಧು-ವರನಿಗೆ ಕೆಲವೊಂದು ಸ್ಟೆಪ್ಸ್‌ ಹೇಳಿಕೊಡುತ್ತಿರುವುದು ವಿಡಿಯೋದಲ್ಲಿದೆ. ಈ ವಿಡಿಯೋ ಇಂಟರ್ನೆಟ್‌ ನಲ್ಲಿ ವೈರಲ್ ಆಗಿದೆ.
ಮೇ 30ರಂದು ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಮಾಡಿದ್ದು ಲಕ್ಷಾಂತರ ವೀವ್ಸ್‌ ಕಂಡಿದ್ದು, ದೋಣಿ ನಾವಿಕನ ಡೈರೆಕ್ಷನ್‌ ಸ್ಕಿಲ್ಸ್‌ ಗೆ ನೆಟ್ಟಿಗರು ಬಹುಪರಾಕ್‌ ಹೇಳಿದ್ದಾರೆ.
