ಮುಂಬೈ: ಮರ್ಸಿಡೆಸ್‌ ಬೆಂಜ್ ಭಾರತದಲ್ಲಿ ಹೆಸರುವಾಸಿ ಕಾರು ಕಂಪನಿ. ಪ್ರತೀ ಬಾರಿ ಹೊಸ ಮಾದರಿ ಕಾರನ್ನು ಕಣಕ್ಕಿಳಿಸಿದಾಗಲೂ ಹೊಸತೇನಾದರೂ ವಿಶೇಷವನ್ನು ಅದು ಸೇರಿಸಿರುತ್ತದೆ. ಈ ಬಾರಿ ಅದು ಜಿಎಲ್‌ಇ ಎಸ್‌ಯುವಿ ಸರಣಿಯ ಎರಡು ಭಿನ್ನ ಕಾರುಗಳನ್ನು ಪರಿಚಯಿಸಿದೆ. ಜಿಎಲ್‌ಇ 450 4ಮ್ಯಾಟಿಕ್‌ ಎಲ್‌ಡಬ್ಲ್ಯುಬಿ (88.80 ಲಕ್ಷ ರೂ.), 400 4ಮ್ಯಾಟಿಕ್‌ ಎಲ್‌ಡಬ್ಲ್ಯುಬಿ (89.90 ಲಕ್ಷ ರೂ.)ಕಾರುಗಳು ಮಾರುಕಟ್ಟೆಯನ್ನು ಆಕ್ರಮಿಸಲು ಸಿದ್ಧವಾಗಿವೆ. ಪೆಟ್ರೋಲ್‌, ಡೀಸೆಲ್‌ ಎರಡೂ ಇಂಧನಗಳಿಗೆ ತಕ್ಕಂತೆ ಭಿನ್ನ ಮಾದರಿಗಳಿವೆ. ಎರಡೂ ಬಿಎಸ್‌6 ನಿಯಮಗಳಿಗೆ ಅನುಗುಣವಾಗಿವೆ ಎನ್ನುವುದನ್ನು ಪ್ರತ್ಯೇಕವಾಗಿ ಹೇಳಬೇಕಿಲ್ಲ. ಇದೇ ಮೊದಲ ಬಾರಿಗೆ ಭಾರತದಲ್ಲಿನ ತನ್ನ ಎಸ್‌ಯುವಿಗಳಿಗೆ ಮರ್ಸಿಡೆಸ್‌ ಇಕ್ಯೂ ಬೂಸ್ಟ್‌ ತಂತ್ರಜ್ಞಾನವನ್ನು ಅಳವಡಿಸಿದೆ. ಈ ಕಾರುಗಳು ಕೇವಲ 5.7 ಸೆಕೆಂಡ್‌ನ‌ಲ್ಲಿ 100 ಕಿ.ಮೀ. ವೇಗ ಪಡೆದುಕೊಳ್ಳುತ್ತವೆ.
