ಮೀನುಗಾರಿಕೆಗೆ ತೆರಳಿದ್ದ ಬೋಟ್ ನಲ್ಲಿ ಇಂಜಿನ್ ಸಮಸ್ಯೆ: ತಪ್ಪಿದ ದುರಂತ

ಮಲ್ಪೆ: ಮೀನುಗಾರಿಕೆಗೆ ತೆರಳಿದ್ದ ಬೋಟ್ ನಲ್ಲಿ ಇಂಜಿನ್ ಸಮಸ್ಯೆ ಕಂಡುಬಂದು ಸಕಾಲದಲ್ಲಿ ಕಾರ್ಯಾರಣೆ ನಡೆಸಿ ದುರಂತ ತಪ್ಪಿದ ಘಟನೆ ಬುಧವಾರ ಸಂಜೆ ನಡೆದಿದೆ.

ಮಲ್ಪೆಯಿಂದ ಆಗಸ್ಟ್ 25 ( ಮಂಗಳವಾರ ರಾತ್ರಿ) ರಂದು ಹೊರಟಿದ್ದ ಕೃಷ್ಣ ಹೆಸರಿನ ಬೋಟ್ ಬುಧವಾರ ಸಂಜೆ ಭಟ್ಕಳದ ನೇತ್ರಾಣಿ ಸಮೀಪ ಸಮಸ್ಯೆಗೆ ಸಿಲುಕಿತ್ತು. ಬೋಟ್ ನ ಇಂಜಿನ್ ಭಾಗಕ್ಕೆ ನೀರು ನುಗ್ಗಿದ್ದ ಕಾರಣ ದೋಷ ಕಂಡುಬಂದಿತ್ತು ಎನ್ನಲಾಗಿದೆ.

ಬೋಟ್ ನಲ್ಲಿ ಏಳು ಜನರು ಇದ್ದರು. ಕೂಡಲೇ ಇನ್ನೊಂದು ಬೋಟ್ ಕಳುಹಿಸಿ ಆ ಅದರ ಸಹಾಯದಿಂದ ಬೋಟ್ ಅನ್ನು ಮಲ್ಪೆಗೆ ಎಳೆದು ತರಲಾಗುತ್ತದೆ. ಎಲ್ಲರೂ ಸುರಕ್ಷಿತವಾಗಿದ್ದಾರೆ ಎಂದು ಬೋಟ್ ಮಾಲಕ ಮಾಹಿತಿ ನೀಡಿದ್ದಾರೆ.