ಸೌದಿ ಫುಟ್ಬಾಲ್ ಆಟದಲ್ಲಿ ರೊನಾಲ್ಡೊ- ಮೆಸ್ಸಿಗೆ ಶುಭಕೋರಿದ ಅಮಿತಾಭ್ ಬಚ್ಚನ್

ರಿಯಾಧ್: ಫುಟ್ಬಾಲ್ ದಿಗ್ಗಜರಾದ ಕ್ರಿಸ್ಟಿಯಾನೊ ರೊನಾಲ್ಡೊ ಮತ್ತು ಲಯೋನೆಲ್ ಮೆಸ್ಸಿ ಅವರು ಗುರುವಾರ ಮತ್ತೆ ಮುಖಾಮುಖಿಯಾದರು. ಸೌದಿ ಆಲ್ ಸ್ಟಾರ್ ಇಲೆವೆನ್ ಮತ್ತು ಪ್ಯಾರಿಸ್ ಸೈಂಟ್ ಜರ್ಮನ್ ತಂಡಗಳ ನಡುವೆ ಸ್ನೇಹ ಸೌಹಾರ್ದ ಪಂದ್ಯ ನಡೆಯಿತು. ಸೌದಿ ತಂಡದಲ್ಲಿ ರೊನಾಲ್ಡೊ ಮತ್ತು ಪ್ಯಾರಿಸ್ ತಂಡದಲ್ಲಿ ಮೆಸ್ಸಿ ಆಡಿದರು.

ಪಂದ್ಯಕ್ಕೂ ಮೊದಲು ಬಾಲಿವುಡ್ ಸೂಪರ್ ಸ್ಟಾರ್ ಅಮಿತಾಭ್ ಬಚ್ಚನ್ ಅವರು ಆಟಗಾರರನ್ನು ಕೈಕುಲುಕಿ ಸ್ವಾಗತಿಸಿದರು. ಇದರ ವಿಡಿಯೋ ವೈರಲ್ ಆಗಿದೆ.

ಇದನ್ನೂ ಓದಿ:ಚಪಾತಿಗೆ ಉಗುಳಿ ಗ್ರಾಹಕರಿಗೆ ಸಪ್ಲೈ ವಿಡಿಯೋ ವೈರಲ್ ; ಅಡುಗೆಯವನ ಬಂಧನ

2025 ರವರೆಗೆ ಒಪ್ಪಂದಲ್ಲಿ ಅಲ್ ನಾಸರ್ ಕ್ಲಬ್ ನೊಂದಿಗೆ ಒಪ್ಪಂದಕ್ಕೆ ಸಹಿ ಹಾಕಿದ ನಂತರ ಸೌದಿ ಅರೇಬಿಯಾದಲ್ಲಿ ರೊನಾಲ್ಡೊ ಮೊದಲ ಬಾರಿಗೆ ಫುಟ್ಬಾಲ್ ಆಡುತ್ತಿದ್ದಾರೆ. ಐದು ಬಾರಿ ಬ್ಯಾಲನ್ ಡಿ’ಓರ್ ವಿಜೇತ ರೊನಾಲ್ಡೊ ಭಾನುವಾರ ಅಲ್ ನಾಸರ್ ಗಾಗಿ ಸೌದಿ ಪ್ರೊ ಲೀಗ್‌ಗೆ ಪದಾರ್ಪಣೆ ಮಾಡಲಿದ್ದಾರೆ.